個人認為東涌比較好,先論交通,出市區東涌線車程明顯較大西北搭西鐵快 (通常香港人講交通方便,係以商業中心區為首要考慮,香港嘅CBD目前係中環,嚟緊會多個啟德,而東涌去中環明顯比天水圍快,去啟德就打和,講緊當沙中線東西走廊全線開通之後先係)!事實上,若以乘最快集體運輸交通公共前往香港十八區的平均車程嚟講,東涌都係有優勢,唔好唔記得東涌多數屋邨雖然要駁程巴士去地鐵,但天水圍絕大部分屋苑一樣要駁輕鐵先到西鐵站,而且若講天北,分分鐘落樓後要搞廿分鐘先上到西鐵月台。
而且東涌附近多山又有海,綠化帶亦較多,景觀更怡人,相反天水圍本是片沖積平原,附近較高的山只有圓頭山一個,棕地又多,大量貨櫃場有礙觀瞻。
社區設施方面,東涌都較天水圍成熟,畢竟東涌是較後期的新市鎮,天水圍嘅所謂方便其實全都係借助元朗市,天水圍自己根本一樣百無,連食環署街市都未有,但元朗治安係點大家都有目共睹⋯⋯
不過,嚟緊東大嶼都會發展帶動小蠔灣一帶建設,到時東涌居民整體生活圈變成點就不得而知了。
呢刻計,要講天水圍唯一較優勝之處,我只諗到係返深圳方便⋯⋯本留言最後由 ki1120 於 2019-07-24 22:32:06 編輯