回應 1# cy_tai
大家真係要小心,我個仔就今日上左當,我係屋主,同個仔兩個人住,今日未放工趕得到返屋企,
個仔就係咁比tvb收費個女仔,話睇我地電視有無高清台做借口,點知阿仔唔為意,又見佢係女仔,
就比佢入左屋睇,咁就死啦,得阿仔一個,比佢一輪咀下,我阿仔又以為係有線,攪到簽左約,仲要一個無職
業既學生,交埋佢的食飯錢,話佢簽左約,唔可以取消,唔係就要賠償番唔理行合約的錢...個女仔衰到我叫佢等我番屋企,
三口六面講
清楚,點解要一個學生簽約,為求一張單不擇手段,連番學飯錢都呃埋,我係電話同佢理論,話我先係屋主,
你未經我同意就裝,幾個大人夾擊圍一個學生簽約,又比確認電話,係電話度確認有只係得佢講,跟住只問你明
唔明,另一面個女仔就同師父係屋裹威迫利誘,話冇得改咖啦,比佢地裝埋,係咁既情況下,完全同大耳隆迫學生簽欠單冇分別,
打電話比個女仔,話我地要取消,叫佢係屋企等我,佢唔敢浦頭,叫佢係屋企等,等我攪清楚件事,佢又閃左人,
叫我係樓下等,打比佢又唔敢聽,唔接電話,最後打通左原來係佢上司,又一輪廢話,總之你簽左就咩都冇得傾,咩都唔使理解,
仲叫我你係樓下等得就等啦.....嘩....咩人黎咖,最賤係我本來會打電話番屋企搵仔,後來我番屋企,
發覺原來佢抆左我屋企電話個插,唔怪得阿仔又打唔到比我,我又打唔到比阿仔......而家都唔合點算
係阿仔笨.....但都唔應該用呃人的借口入屋,直頭係入屋迫你簽欠單呀.....各位千奇唔好比tvb收費的人入屋,
而家我只好打電話去tvb投訴,佢又話係阿仔簽左,我寡母婆養個仔好辛苦咖,咁黎呃我地,正賤人....
所以咪寫出來,比大家知道..
