話說今日我地又上勞工處,諗住認認真真,老老實實實咁喺配對嘅工種到搵一份打去見工同試工,職員搵左十幾份,不過“冚罷爛” 清一色都係清潔工(員),跟住幾難得有份食品包裝員嘅工,時間又幾好,仲話要請五個,仲吾試下咩!於是黃姐打去問,
公司:咩事牙?
黃姐:你好牙,我喺勞工處見倒你地公司招聘,我想問你地係吾係請人牙?
公司:(極晦氣)請左人啦!
跟住cut 線....
咁請左人就吾好登招聘啦大佬~~嘥大家時間...
仲有樣嘢都好“騎呢”嘅,勞工處好好人咁幫街坊每份工都幫佢印封 introduction letter (勞工處介紹信),即係你去到人地到見工可以俾呢封信佢地睇係勞工處介紹你嚟嘅,跟住我地問:係吾係有呢封信實請先,定見到勞工處好似頭先個電話咁即刻話請左人架~~~
其實我地喺到諗封所謂介紹信有物用,又冇約束力有冇影響性,咁不如吾好印出嚟環保啲印少張紙仲好啦。後尾講番,搵咁耐工都搵吾倒,都係執紙皮嘅工作相對有彈性,又吾駛受人面色,又冇時間限制,自己打自己工,命運自主仲好過搵工。