星期四收樓天氣晴朗，
收樓指示由Ｂ座入，但實際係Ｃ座....
一去到見到一個親善大使，好親切介紹登記流程，但原來佢係當區議員（汗）
第一時間當然係叫佢幫手攪個地鐵拍２蚊啦...
點知佢話未必得, 因佢為彩德試過但唔批..
跟住就講到小巴問題,原來我地彩興既小巴應該係去沙中線嘅鑽石山站, 原本想運輸署去年底確認但失敗喎...(唉...真係呢)，所以我地都係行去彩虹或九龍灣啦....
中午行落九龍灣熱到無氣，我估我唔會再係夏天行....
回程由淘大行路邊再用升降機去彩福行番去就好好多.....
晚飯時間由C座旁天橋(正在興建升降機)行去彩雲商場，有超級百佳和超級惠康，仲有我最愛既759和優品360，當堂鬆一口氣，食市好多唔怕無野食....
有關裝修及單位....
按指南大門可以換，只要合防火規格就可以，但我地發現大門係有機關，可以防止走廊既水倒流入屋，所以都係唔換啦....(因為室內比室外係矮左幾吋)
門口有"預留鐵閘接地端"及位置裝閘
窗頂無位走分體喉....
大門後位置好細，我終於明白點解某牌子係全港銷量冠軍.....
碎碎諗完.....
