今日（25/08）下晝難得有空閑時間可以帶Eric落樓下公園仔玩下放下電...
點知卻俾一班毫無秩序、毫無禮貌嘅細路攪到冇曬mood，攪得Eric掃興而歸！
呢班細路聚集喺公園仔度不斷狂跑、嘩叫、你追我逐...
完全無顧及周邊細個小朋友們嘅安危....有D仲大膽到爬欄杆坐上玻璃屏度！
眼前呢一幕真係令人火滾！特別係其中一個著黑色T短牛仔褲+波鞋嘅細路，極度冇家教！
佢差D撞到亞仔，好彩我及時護住亞仔啫，如果唔係實俾佢撞到！
咁嘅情形佢竟然連一聲SORRY都冇，仲嘴妙妙話：我都冇撞到佢！
呼，真係激C我喇！我問佢如果撞親我個小朋友點算吖？你賠唔賠得起呀？
佢即刻冇聲出....靜靜雞走咗人了....唉，呢挻細路真係悲哉！
咁啱有個保安阿姐行過嚟見到呢班細路嘅行為....
阿姐勸戒佢哋，叫佢哋唔好再沖嚟沖、跳嚟跳去咁會撞親其他小朋友...
佢哋唔聽勸之餘，其中有兩三個仲超大聲超冇禮貌的駁嘴，話公園就係要嚟俾小朋友跑架喇...
呼，我都係第一次見到如此不可理籲的細路！真係替佢哋父母懮心啊！
[attach]33659[/attach]
[attach]33660[/attach]
[attach]33661[/attach]
