唔知行去旺角東（火車），或是旺角站（地鐵）要幾耐？
Eiffel 發表於 2019-03-10 23:14:17 原文
行去(旺角地鐵)我估行得快也要20分鐘，另外可由佛光街直行落去培正，再行去(油麻地地鐵站可能快小小) ，如行去(旺角火車站)我估路程仲遠小小。新居屋是山頂位置，行去紅磡返而唔遠，沿大街落斜路直行唔使10分鐘可到家維村或蕪湖街了。何文田村交通網絡不算好，但有幾條小巴線和專線小巴可去到旺角和太子和尖沙咀，唔塞車可以10至15分鐘到達。如果想搭火車，建議坐8號綠Van或8號巴士，10分鐘可到達紅磡火車站了。
