作為女人,我對你老婆深表同情,婆媳關係真係好難頂,所以我老公決定兩邊都唔住自已租樓!因為得兩萬蚊一個月養三個捱得好辛苦,但我地捱得好開心我亦甘願同佢捱!作為男人應該唔怕做呢個醜人!我當初話有佐bb要排公屋除名我媽都係不斷反對仲周圍話我不孝結果比人話番轉頭,話要同我斷關係結果咪冇事!而且我除佐名成四年幾我媽都未搬!當初我媽都係藉口話要重新裝修冇錢我都同佢講明我包!(當然電器要用舊既,簡單裝修洗得你幾多錢?)唔通我為佐佢自私我就成世冇樓住?而且我對下仲有細佬妹間屋以後都冇可能俾我住。結得婚就要為另一半著想,孝順係可以但不能愚孝,眼見係唔除名都唔會有咩好處既野點解要為佐你既軟弱一直拖?再咁落去你失去既只會更多,我係你老婆既話一定失望到透走硬!所謂相見好同住難,我老公俾臉我我都俾臉我老公,而定個個星期定期番奶奶度食飯一d事都冇,我又唔洗日日被逼去十幾個角度裝香,搞到日日鼻敏感,唔洗驚俾狗咬,唔洗擔心有人講我屋企閒話,更加唔洗睇叔仔同老爺著住條底底同圍走,大家都開心本帖最後由 kiki1990810 於 2019-01-16 15:51:57 編輯