綠置居業權與當遺產轉名問題

我和媽媽(70歲)住在公屋, 最近想申請綠置居
但由於我收入很少和不穩定, 所以我姐姐(未有物業)提出可由她負責供樓
將來母親過世後, 按生前立的平安紙將單位轉名給她
請問這樣做可以嗎? 是否要補地價?

另外, 購買單位落名時, 是否我和媽媽都要落名?
還是只落母親一人名字就可以?
如果我和媽媽都落了名字, 那將來當遺產轉給我姐時,
我姐能擁有100%業權, 還是我和她共同擁有業權?

謝謝各位抽空回覆解答, 不勝感激!

以我所知公屋申請綠置居只可減名(現有公屋住戶)不可加名(租約外之人仕)，母親過世後平安紙所填寫人仕未有物業可以繼承不需要補地價。

如果公屋內有晒你地三母女嘅名，咁易辦啦，如果係得你同媽媽名，姐姐係租約以外人仕，咁就算平安紙寫姐姐都可能要經你同意。

問返房署好d

你一定唔可以聯名跟媽媽買，因為綠置居聯名買要用長命契，即使媽媽立平安紙比姐姐，但媽媽百年歸老後會自動轉埋50%業權俾你。

你同你媽名佔五成業權，你妈写平安纸，亦是比你姐五成，另外五成屬於你，除非你不要，可以比全部你姐，

綠置居應該都有政府擔保，唔需要過壓力測試？應該同居屋一樣，只要申請就都批貸款

如果你姐比晒所有錢，除你姐肯比你五成，否則爭產時，你姐有机会擁有全部業權

其實，要解決呢啲問題唔難。
第一，當你哋用家有長者計劃抽到先算，揀樓時用你媽媽一個人名做業主，千祈唔好聯埋你個名落去。
第二，同伯母去律師度立張平安紙，講明第日層樓業權點分配。你個case，咪話俾律師聽層樓喺你媽媽唔喺度之後第日業權100%係你家姐就可以了。
第三，按揭問題唔係問題，綠置居係房署擔保會借嘅，如業主係你媽媽，你或你家姐做擔保甚或唔使擔保都借到錢，問題係首期，律師費，釐印費，裝修加埋還原原來間屋俾房署嗰畢錢有冇預到？
第四，呢一點係個專門鑽研公共房屋漏洞嘅人提我，未經驗證嘅：佢話買咗綠置居後，家庭成員放棄戶籍，仲可以單身排公屋，住就繼續住，人就慢慢等。呢點，我冇深究得唔得，聽咗就算。
我父母2016年申請景泰苑，抽到前籌，買到高層大單位，落業主名時都係只落了我爸爸名一人業主，我媽媽也都冇落名，如有合適單位，我哋依家都仲可以用佢個首置名額買樓。我哋亦冇做按揭，費事俾利息銀行賺，當然，好多叻人或者會話梗係襯銀行低息用啲錢買呢樣嗰樣，不過，我哋就覺得，冇咩好得過冇爭人錢咁自在，所以，我太太見有舊錢喺銀行就幫我爸媽找咗層樓嘅數先。我爸媽佢哋俾裝修及其他費用就好了。

若果業主身故，可否吾做继承轉名住，繼續供款，享用房署做擔保，直至十數年后供完層楼先轉名呢？若果期間層楼变負資産，断供是否房署包底？继承者沒有任何責任？因負債是業主但已離世。請高人指教

回應 #9 LUCKYSTAR88

如果業主身故，可否吾做继承轉名住，繼續供款? 銀行有人每日查死人的名, 一死就凍結戶口, 你想繼續供款都不可以.