頭先就報告左 , 簽完意向書 , 宜家就分享下簽意向書既流程同簡介會內容 , 不過我冇影太多相 , 如果違規 , 請管理員刪除此 POST
首先馬鐵石門站B出口一出 , 對面馬路已經有黃議員街站 , 有興趣可以去傾下計 , 留低簡單資料 , 會有個 FILE 同介紹碩門村書仔 (非官方文件) 比你 , 將來亦可找黃議員幫忙轉校 (我不是黃議員 FANS , 不要誤會) .
街站左邊入少少有百佳 , 之後沿路向村入面行都會有簡單指示 , 簽意向書既位置係點行 , 途中會再經過黃議員街站 , 真係有殺錯冇放過 , 之後就會行到去簽意向書既位置 , 門口會有保安問你係唔係簽意向書 , 請準備身分證同配方信 , 入去右手邊檯仔交文件同對電話 (我唔知係人人都要對電話定我樣衰所以要對) , 之後職員會比張籌你 , 當拎住張籌就可以睇下璧報板資料 , 璧報板今日大大隻字貼住豐碩樓, 但璧報板資料應該係比晒咁多座既! 璧報板資料有座向 , 平面圖 , 同其他介紹 , 內容同黃議員既書仔差不多, 但詳細啲 , 另一邊有張檯放左啲學校資料 , 有需要可以睇下 , 當睇左大約 5 - 10分鐘左右 , 職員會同大家講睇完可以去聽簡介會 , 有需要可以跟職員行過去 (其實應該唔會有人唔需要掛) .
簡介會每一戶只可以兩人入去聽 , 簡單介紹碩門村附近設施 , 碩門村二期4座每座樓下有啲咩 , 第一座有商場, 第二座有停車場 , 第三庭有幼兒中心 , 第四座有幼稚園 . 另外 , 碩門村一期有老人中心等等 , 至於大家都唔鐘意或重點考慮因素 "骨灰龕" 將會係2020年申請撥款, 預計 2023 年落成, 係房署職員講 , 但我見到其實同碩門村都隔幾遠既~
職員講完一輪就會教大家填意向書 , 之後就開始交回意向書同拎返配房信 , 之後就可以返歸喇~ 整個過程大約30至45分鐘 , 要睇下大家交意向書時有冇想再問 , 同埋職員今朝話預計2019年年初入伙 , 個人希望可以 12 月取匙 , 過年前入伙就更好喇~
本帖最後由 helenlee8236 於 2018-10-03 14:39:01 編輯