raytam2

回應 #16 et1961

非常多謝你嘅抬舉我之前曾經預測過六月份分數, 同公佈嘅分相差少少.
http://cyclub.happyhongkong.com/viewthread.php?tid=193130

我今日有426分, 今個月底有427分(房署係以月底嗰日畀分嘅).依家派緊滿東邨, 雖然房署公佈分數係435分, 實際上433分/434已經開始派樓(房署係以接受派樓嘅分數公佈嘅, 所以同實際嘅情況係唔同).
滿東邨大約有400個一人單位, 如果由434分開始派嘅話, 就由434分開始做落去, 4 3 3,  4 3 2 , 4 3 1, 我係一定派唔到滿東嘅. 好喇,直到8月份, 就會變返做 432分(因為排緊隊嘅人係每個月都會加一分嘅, 所以分數亦都係會每個月上嘅). 九月就會係433分, 十月係434分. 石門第一期大約有400個單位, 如果喺九月份派嘅,分數就會由434, 433 , 432 ,431, 響十月份嘅時間, 我只係得429分, 機會好微. 石門第二期大約100個單位, 響11月份派, 到時會係432分派樓, 11月份嘅時間我只係得430分, 機會好微!
但係,如果石門係十月份一次過派曬, 即係一共500個單位,情況就有啲唔同. 8月份 432分, 九月433分, 十月434分,由434分開始做落去, 434, 433, 432, 431, 430, 響十月份嘅時間, 我有429分, 係會有啲機會.

其實,我點樣去預測都冇用, 依家最關鍵嘅時刻, 1分可以令到我派到樓定冇, 完全取決於房署幾時派樓, 有幾多人拒絕, 有幾多人離開擴展區, 有幾多人其他區轉過嚟.
但係, 我估計即使係十月份我派唔到樓, 11月份, 12月份, 或者最遲2019年1月份我都會派到樓, 當然, 係舊樓, 但都冇所謂, 因為唔使捱貴租!

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

et1961

回應 #21 raytam2
你的預測及數據都好準確、當然希望你2018就可以上樓、你最心儀係哪一區呢？你趕不及滿東我就不能同你做街坊添！可惜可惜!

raytam2

[quote]回應  raytam2
你的預測及數據都好準確、當然希望你2018就可以上樓   、你最心儀係哪一區呢？ ==>石門  
  

albert81

回應 #20 mimi886
我兒子有幫忙打去問，但答覆係尚未到審查，所以不得聯絡職員

et1961

回應 #23 raytam2 高人又係我！ 有問題想請教、朋友今年大約63歲想開始申請一人單位、她個人條件全合格的、但剛離婚不久、據我知她丈夫是有物業的、這樣有沒有限限制？現在開始申請需要多久時間才可以上樓呢？
多謝指教

raytam2

回應 #25 et1961

一層物業, 不論持有人係男方或者係女方, 或者共同持有, 任何一方都唔可以申請公屋. 點解呢 ? 公屋係畀啲有需要嘅人, 畀唔起貴租嘅人, 冇地方住嘅人. 如果層樓係兩夫妻嘅, 係邊個名唔重要, 其他一方都係會住喺度嘅, 咁即係話冇迫切需要, 冇地方住, 或者係要捱貴租.

每年香港都有好多人離婚, 有真離婚, 亦都有假離婚. 假如離婚前男方係有物業而冇女方嘅名, 咁女方係咪可以申請公屋呢? 係可以, 但係需要一個過冷河嘅時期, 可能兩年/ 三年之後先至可以 (詳細嘅情況可以親自去房署問). 唔好諗住唔畀房署知道丈夫曾經有樓, 房署係絕對查得到出嚟!

et1961

回應 #26 raytam2 多謝指教、是真是假要當事人才知道！但香港亦真的有好多男仕愛回祖國尋歡作樂！做成很多家庭問題禍及年幼子女！

雷文raymond

長者都要排得比之前一两年都要耐D·耐心等後.

lamtabo

anracing

打去問問