非常感謝一位白田村街坊同九巴2E司機

kenny

非常感謝一位白田村街坊同九巴2E司機

(吾知post邊個位,煩請Vick移動)

今日中午,我送材料去完富榮花園,
座九巴2E回大角咀,一時吾為意留左手機o係車上,
落車幾分鐘先知道,即刻用另一部機打自己電話,
打左2-3次都無人接去左秘書台,心諗實搵吾番,
於是留言俾執到o既人,吾知有冇一線希望,
行番上公司後,正準備上網set番個電話飛落第二部機,
我太太再打一次, 今次有人聽~!
原來有位白田村o既居民(好人師奶), 執左我電話交俾司機,
司機送左去站長室, 叫我地去白田總站拎番,
真係放下心頭大石, 幾驚佢流落鴨寮街呀~!!
部機吾值錢, 但里面個電話薄先最緊要,
知道站長代為保管, 我先可以安心處理完手上o既工作,
跟住飛的去拎番.

在此向 白田村好人師奶、2E司機(BK95xx冇冷氣型號巴士) 、
白田站長先生(肥肥地白頭髮果位)
致以萬分感謝~!!!!! 無言感激~~!!!!

(此post的link同內文,會同時Email去九巴客戶服務部, 多謝~!!)

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

dave

真係好,呢個世界重有好多好人~
^ ^

尋晚我去酒樓打邊邊,
我手機放左後袋,
食食下野跌左出黎都完全唔知,後來有個酒樓的清潔阿嬸叫我,
問我地下個手機係咪我,
我先知道自己跌左,佢真係好人,
如果佢執左,我都完全唔知道~
真係開心 ^ ^

VickYeung

我都多謝 kenny 比我知道世界又多個好人 ~

戴金小姐

bda

GOOD LUCK

賈定珍

因為kenny你都係好人一個, 所以好心有好報呀.

poo_law

真係開心呢, 呢個世界原來仲有咁多個好人~~~

lok2244

好人有好報

灣仔小子

好人好事應該發揚光大，教化世人導人向善，Kenny你好人有好報，恭喜恭喜！

gary

嘩..我仲住緊係到架...又唔打比我約我出黎飲下茶..

下次我搬左就小左機會係呢到飲茶架喇..