|
心情動態：
來自海盈邨 |
已見完主任（附流程及心得，內幕消息）
話說今日終於去樂富見左主任喇（好忐忑，因為真係好似無間道入面果句對白一樣等左三年又三年，相信大家都能體會果種心情），其實上年已經去審查過一次，通知左等緊配房果陣因為刪減家庭成員所以要再審。唉，都幾失望但無奈之下都要通知房署，廢話唔多講啦。
封信建議提前25分鐘到達（因為要登記同聽簡介會），但我就預早左差唔多成個鐘 ……結果要等到夠鐘先開始登記  仲有個保安會先叫大家係約見信右上角留低電話號碼先。流程係1：夠鐘首先去1號窗口等候登記，用約見信換取籌號（背面寫有約見房間號碼） 之後2：有保安指示去A區等候聽簡介會，入到間細房有位職員就派發填寫個人銀行賬戶既表格，有幾多個都要填寫！（活期，定期包括聯名戶口）個職員當然會再次提醒大家唔好漏報，少報資產保險（後果係可被罰5萬元以及監6個月）呢個簡介會係今年新加入，上次都冇 再之後3：出去大廳等電腦叫自己個籌號入房約見主任，唔知今日係咪因為人多既關係，所以過左約見既時間都未叫，唯一可以做既都係耐心等候 4：真係叫到就跟住指示牌入到房，先同主任打個招呼就坐低，我見果個主任都幾nice，幾有耐心同埋都好細心，其實我相信主任都係想盡力幫大家儘快上樓。 主任先叫攞出身分證以及副本對照，跟住到攞出所有銀行月結單同薄仔，以及投資保險既原件及副本，再到填寫一些聲明（如派左新樓，兩年不可要求減租）仲有填寫個人入息既紀錄，主任計好資產同入息之後就簽名，主任話2個月內會通知合格與否。 我多口問左句主任，如果審查通過幾時有屋派，主任一開頭都係好官方咁表示呢個係配房組果邊決定架，答你唔到，不過⋯佢話根據之前既個案有人最快審查通過後一個月多d就派第一次，我聽到都覺得好開心（雖然都知道未必會有咁快，不過都起碼有個希望） 會見大約需時一個鐘左右啦，因為要準備既文件都幾多，建議大家提前將各類文件將原件同copy有條理清晰地分類擺放，唔好搞到好似我咁將主任張檯變做堆填區，如果有好消息再同大家分享，最後希望大家都能儘快安居樂業！ |
||
|
G1310xxx
12年8月藍卡 市2 18年3月S1 5月7日審查 5月18號S2。 9月8日s3。 9月12日S4 派海盈
|
|||
|
心情動態：
來自海盈邨 |
|
||
|
G1310xxx
12年8月藍卡 市2 18年3月S1 5月7日審查 5月18號S2。 9月8日s3。 9月12日S4 派海盈
|
|||
|
心情動態：
來自屏欣苑 |
祝你好運
|
||
|
個個都代朋友問?
你係:真八卦? 真多事? 真朋友?
|
|||
|
（帳戶名稱被屏蔽）
|
回應 TSKS 我一月29日審查，合格信日期係一月30日，4月4號己派咗屋啦。 
|
||
|
|
|||
