壹週刊 2018-04-18
香港人在淘寶買衫、家品已成為習慣,帶挈順豐店於十八區遍地開花。於實體店買傢俬可能比淘寶店貴上一倍,但老板Tommy說其實除笨有精,「我哋賣二千蚊,淘寶賣五百人仔連運費,大約一千蚊。但係淘寶買傢俬好似抽獎咁,一件合格的傢俬難求,隨時三個月就爛。開箱個下,真係好似開禮品睇結果咁,因為淘寶貨,唔見光嘅位,佢哋就唔會處理,佢只會俾你一個感覺係一張櫈,坐到就得。」
不見光的位,沒有處理,輕則劖刺,「佢螺絲位未修好,下邊便會劖手,它的完成度不夠好。」重則發霉、生蟲,「本身木要抽乾水份,如果裡面還未乾,或者還有水份,其實它是會發霉,之後會有蟲、聞到有餿味。」花上千元買的傢俬,三個月玩完,「未抽乾水,就如樹枝一樣,一啪就斷。」
他說淘寶貨很多時用雜木做,運送時損壞亦不會負責。
影片:
https://drive.google.com/file/d/1BhLyd5_w9ZjMudq0JU-NZCQP70hs81dd