szesze

回應 9# carriewwf


    ...甘奇怪...你覺得個到個環境點呀,,方五方便呢....^^

carriewwf

回應  carriewwf


    ...甘奇怪...你覺得個到個環境點呀,,方五方便呢....^^
szesze 發表於 2011-3-14 23:57

屋邨周邊地區被道路網分隔，要行隧道或天橋過，去恆安邨行
5至8分鐘左右，有商場街市、港鐵及巴士總站，不過要經過
公園，晚上行隧道及公園會好靜！

向海單位被幾個私人屋苑所阻(近頂層可能會好些)，所以只能
疏疏落落見到海，下午會西斜！

dear524

唔知會向邊呢~聽日都打去問問先
發現呢個討論區真係好~冇住過馬鞍山~對呢個地方好陌生呀~不過抽到新樓真係已經好好~~

szesze

回應 12# carriewwf


    ....hi全部係我心中所講既野....

SandyCPS

自己住開沙田區，第一次派左東涌無要，我奶奶一個人住沙田，身體不佳，時不時要返去。
社工幫我地寫信要求沙田區，咁第二次同第三次都係派沙田，不過1次就單位隔離有醉酒佬時時醉酒生事，前住戶先至村內調遷，咁我一家大細，唔好卦？

第2次就頂樓屋天花漏水，屋村主任話有排攪。一路都係想要沙田，佢地話沙田4人單位好少叫我地等，等左成年無聲氣。一個新任社工啱啱响12月幫我加埋馬鞍山區，我先至咁啱派到欣安咋！真係好轉接，但係都值得等。因為我都鍾意馬鞍山，我响沙田長大，馬鞍山D小朋友設施新D，圖書館、游泳池、體育館及中央公園都好集在新港城那一邊，好方便。

諗住如果馬鞍山派舊村都願啦！而家仲要係新村，好在上年9月無揀特快「d」人屋呀！

SandyCPS

我話「好轉接」唔係話果度交通，係講我個派樓經過。我覺得欣安村都算方便，而家新屋村好多都無街巿架啦！您行到去馬鐵好好架啦！我而家住緊既村屋都係沙田，行去一城馬鐵站而廿分鐘架，帶住細路直情搭小巴啦！帶住車仔上小巴又唔係，手拖1個、收車仲要抱住細既上車，好論盡。

情願推去馬鐵站行廿分鐘，唔趕時間就好既。

而家呢度，去恒安馬鐵5-10分鐘，算係咁啦！

我地要識得感恩，先至開心既！

如果唔係？執到寶都要喊三聲，都幾辛苦。
沙田區既學校網真係好好架，有D人都專登搬入黎沙田住。
因為中學校網好，小學都係，所以連馬鞍山都有好多好學校。

所以，祝各位新戶主、街坊，開開心心住新樓，
咁難得既新樓都派到俾您，仲有乜野難關可以難到您？

MaggieWong

回應 16# SandyCPS


    恭喜晒你,苦盡甘來,知足常樂~

chocolate8188

所以我勁開心，因我係馬鞍山長大

sallysunny

回應 15# SandyCPS


   

卓BB

呢個網真係好,我成日覺得而家d憐居都係閂埋門自己一家就算,而家有個網大家傾下,分享下,感覺close好多,我係欣喜樓25樓既卓bb媽咪呀,hee~~