|
心情動態：
來自非公營房屋 |
全球暖化刻不容緩 海洋生物死亡量50年內激增兩倍
過去10幾年，全球暖化嘅問題越嚟越嚴重，好似威尼斯有機會因為咁被淹沒就一直引起多方面嘅關注。最近聯合國政府間海洋學委員會就公佈咗一項研究，發現氣候變化令到地球上嘅海洋窒息，危害全球嘅海洋生物。 由於全球變暖化，過去短短50年間，海洋“死亡地帶”（即動物生命窒息死亡嘅地區）數量增加咗兩倍。研究顯示，自1950年以來，呢啲致命地點係沿海水域，包括河口同海域增加咗10倍以上，情況實在好令人擔心。 研究人員預計，隨著地球變暖，海洋氧氣水平將會繼續下降，並警告世界必須控制氣候變化，以阻止衰退。氣候變化同優養化係令到海洋氧氣損失嘅主要原因，因為變暖嘅地表水會含有較少嘅氣體，而優養化即水體中氮、磷營養物質嘅增加會引起藻類同其他浮游生物的迅速繁殖，令海洋嘅氧含量下降，魚類為咗避開呢啲缺氧嘅區域，佢哋嘅棲息地會越來越少亦都更容易被暴食或者捕獲。 協會就表示要阻止氣候變化必須要全球努力，更好嘅化糞系統同衛生設備就可以將水污染減低，但係唔同地區同時亦都應該將陸地嘅優養化減低，以保護海洋生態。 新一年新目標，小編都希望大家可以一齊共同努力減低污染。  from GO2NE 過去短短50年間，海洋死亡地帶嘅地區數量增加咗兩倍。  from Arcadio Castlllo 雖然有啲海洋動物可以係死亡地帶繁衍，但整體生物多樣性就會下降。 
|
||
|
|
|||
|
心情動態：
來自怡明邨 |
我相信海洋垃圾係其中因素 工業癈料, 代工癈料, 生化工業癈料 等等胡亂排放出河流海洋, 或者死得更多 一隻黑煙重油航空母艦分分鐘多過全港汽車全年炭排量 仲有戰機, 飛彈...種種軍事演習炭排放量一定多過火山噴發 地球只會更熱 |
||
|
|
|||
