我一路都喺美國做開 WAXING, 返到黎香港都隔左一兩年之前再做返, 上年去俾佢地做都無發生過咩事.
我事隔幾個月再去做Waxing.平時係Maya / Y.Y. 幫我做.
今次黎左個自以為事, 自大狂既 Gaby Kwok 黎幫我脫毛.
一入黎, 問我食開咩葯, 佢話要問清楚, 費事有咩責任要佢地負責 - 我算!
跟住開始同我試蠟, 都OK...少少熱...但係唔太影響. 佢就黎料喇!
一味同我SELL MASK, 話我妹妹皮膚乾, 話我妹妹有倒生毛毛, LEE樣嗰樣.
就敷左之後, 妹妹會白淨D喎!
有$200/300/500, 隻MASK 好照顧周到架, 好似面膜咁, 有眼耳口鼻既開口位, LEE隻都有開口位係LABIA同ANAL.
我話"咦, 幾貼心喎!" 我話等我諗下先.
跟住脫脫下, 又問多次"點呀! 你決定要邊隻MASK?"
我話我未知喎...(我根本唔想做MASK)
佢話"你要做決定喇, 因為就脫完"
我心諗, 做一次又唔駛死, 還掂有時間, 好啦! 做隻$300.
佢未放落黎, 我突然覺得下面好痕, 我忍.
佢放左落黎之後一分鐘到, 仲痕!!! 忍唔能到, 我掟走塊MASK. 叫佢即刻入黎.
我話佢知, 之前另外兩位同事, 都無整到我咁. 係你整完就攪成咁.
佢話"會唔會係隻MASK 唔夾你呢?! 又或者係你之前用脫毛膏攪到皮膚太敏感...?" (佢強調佢自己D 野無問題!! 佢自己更加無問題!!)
因為佢話佢係 HEAD OF THERAPIST! 嗰兩位同事都係佢train, 佢地做既野都係佢教出黎! - - - 我心諗, 嗰兩個THERAPIST 比起你, 細心好多呀!!
好喇, 我話佢知, 我下面一邊腫左, 佢話"無呀! 無腫吖!! 咁一係我幫你搽d 野, 睇下可唔可以令佢calm 返?"
佢一搽落黎, 痛到呢....我話 "唔得! 唔得!" 佢拿拿聲同我抹走, 再搽另一隻, 好少少...
我起身照塊全身鏡, 自己望住下面, 腫到好似之前有左bb咁!! 漲卜卜!! 淨係左邊!!
如果真係因為我之前用過脫毛膏, 點會得一邊腫呀?!
我影張相俾條仔睇, 問佢覺唔覺腫左, 佢都話有!
我出去俾錢, 佢話唔收塊mask錢, 我心諗, 你敢膽就收, 睇下我告唔告你!
佢仲好意思話 "你係我第一個客係咁, 以前都未試過..." - - - - - 咁即係你見識少啦
佢問我要唔要入房再俾佢睇下, 我耍手擰頭啦!
我離開佢個舖之後, 行路都有困難, 拿拿聲上巴士坐, 唔駛行...
除左痕之外, 嗰度塊肌肉, 按落去都痛...唔知佢扯到我邊度.
因為消費唔平的。本帖最後由 yee 於 2017-07-18 14:37:33 編輯
