香港公營房屋討論區
主頁 » 休閒天地 » 聊天室 » 男性族群 » 係男人就睇晒佢!明就明, 唔明就算!(轉貼)
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索
1...4
支持鍵盤翻頁

係男人就睇晒佢!明就明, 唔明就算!(轉貼)
我的四段經歷

第一個女朋友,讀大學時搞活動認識。識左差不多一年才開始拍拖。
可以搵到一個人,俾你牽掛,俾你付出,係一種幸運。當時,我搵到。
同佢係好開心好夾。經常結伴遊玩。大家各自有住宿舍,有時夜晚即興傾傾下電話就約出來。係大學裡面逛,睇風景。
當時佢屋企正在籌備移民。每逢長假期,例如寒假與暑假,佢都要過去,儲居留日子。所以凡長假期,我都見唔到佢。
分隔兩地時,就靠寄信及打長途電話來維繫。當年無internet。唔似而家咁方便。真是要用紙筆寫,入信封貼郵票寄。而家諗返,係另一份情懷。始終,實物果種質感,係電子野代替唔到。
結局,你地可能都估到,佢全家移民,所以我地要分開。當時係我大學第四年。
佢移民後,我同佢一段時間有聯絡。
呢件事對我打擊好大。當時真是成個人謝晒。世界失去重心。
之後為左淡化呢件事,我是但搵左個女朋友來填補。呢個就係我第二段關係。
咁,其實唔係特別鍾意佢。佢都可能唔係特別鍾意我。到今時今日我都講唔出點解佢會同我一齊。總之就無厘頭一齊左。
之後,我逐漸習慣左佢。
感情可能真係可以培養。當時我諗,既然都一齊左,就試下好好地去愛吧。
之後有左一的共同經歷,慢慢建立。
之後佢開始有第三者。
我試過係屋企樓下公園親眼見到佢同第個男仔kiss。
果一刻,世界係寂靜的。
我一片空白。
心裡面沒有情緒。企左係度。直至佢地發現我。
我仲同果個男仔「hi」左一聲。
之後我自己返家。
女朋友無幾耐就跟上來。解釋。但我忘記左佢講左的乜。
之後,佢接二連三有第三者。終於去到一個點,我死心了。let her go。
有得亦有失。雖然是慘痛,但佢亦總算是豐富左我既人生。從佢身上,透過佢,我見識到另一個世界。
佢係果種典型的蒲精。同左我一齊之後,只係略為收斂,其實都仲會間唔中出去飲酒。佢染到個頭五顏六色。出街會著小背心,條裙短到乜咁。佢就係呢種style。
有次買電腦,同佢一齊逛高登,完全感受到來自四方八面男人的目光集中晒係佢身上。
都係大學時識的。唔同系。上選修科時被編一齊做project。有次傾完功課去左尖嘴海旁傾偈。之後無幾耐一齊左。
同左佢一齊之後當然少不免會融入佢圈子。咁就識左一班mk人。自己亦mk起來。
差不多時期,第一任女朋友係加拿大已安定下來。都有男朋友了。咁我自己亦有女朋友。大家都明白,此情只待成追憶,能夠遇見,能夠有過一段美好故事,大家都應該釋懷。之後逐漸少聯絡了。
11年前既事, 唔記得晒囉~~~~
分享 分享 讚好人數:0查看名單


第二任,接二連三有第三者,當時我性格仍然希望挽留。始終,我都堅持,一旦開始左,就唔好完。
去到後期都真是無法忍受。已經喊到無晒眼淚。唔知你地試過呢種感覺未。人傷心會流淚,但傷心到超出自己承受能力,係流唔出眼淚,只能夠發呆,望住遠處,但唔知望乜。
當時佢有個好朋友,亦係大學同學,算係同我傾到偈,知道我同佢的野,於是安慰我。咁,似似地電視劇的情節,我同佢搭上左。but,無正式確認身份。
之後我同第二任正式分手。但我無同佢朋友一齊。應該咁講,相處方式無乜點變化,但亦無進展,始終我無正式確認佢係女朋友,亦無將佢introduce入我圈子。
之後,打online game識左個男仔,係一次偶然機會,識到呢個男仔的女朋友(三人去唱k)。本來無咩特別。朋友的女朋友,咪當埋係朋友囉。都會間唔中傾下偈。
後來佢地分開左。原因不明。
有一晚,呢個女仔搵我,問可唔可以黎我度借宿一宵。我問佢咩事。佢話同屋企人炒大鑊。無家可歸。
我話是但啦,但無地方俾你訓。
結果果晚佢係同我一齊訓。
如是者,咁樣的關係,維持左都好似三四個月。
之後佢去英國旅行。途中打電話俾我。我在睡夢中。接到佢電話。人在半夢半醒時的反應好直接。我話我好掛住佢。佢沉默左幾秒。話ok啦返黎第一晚就過黎陪你啦。
之後佢返黎,買左的小禮物俾我做手信。同一晚,我同佢逛廟街。佢買左對耳環。俾錢時佢因為無手拎銀包於是將對耳環交左俾我拎住先。佢俾完錢,收好銀包,就伸隻手過來,諗住拎返對耳環,而我,無俾耳環佢,我直接拖住佢果隻手。
之後大家無出聲,行左一段路,都係拖住手。
咁就一齊左。
同佢一齊之前,有段都尷尷地的小插曲。
同佢一齊之前,我同第二任個好朋友,仍在曖昧中。咁佢當然亦間唔中會來我家。
有一晚,佢在我家,而當時仲未係而後來將會係我第三任果個女仔,又上左來。拍門。
來到門口,無可能唔開門。
結果兩個女仔,你眼望我眼。
我選擇叫第二任個好朋友離開。
佢從此再冇搵過我。
11年前既事, 唔記得晒囉~~~~
分享 分享 讚好人數:0查看名單


第三任,係我到目前呢一刻,仍然抱有歉意既人。如果見得返佢,如果佢有困難,我會盡我所能,幫到幾多得幾多。
講到咁,你地都應該估到,最後是不歡而散了,但,點解呢?
心態問題。
我被第二任傷害得好深。於是潛意識難免有報復心態。都係果的老土野啦,認真就輸,輸過之後自然唔會認真。that's why我會咁樣對待第二任個好朋友,一直拖拖拉拉。
即使同第三任一齊,我都已經無之前兩次拍得咁純真。
後來我對佢越來越hea。最後不了了之。
分開初期,佢係有搵過我的。但我唔多理佢。
有一次,佢打電話來,恰巧當時有個我無厘頭搭上的女仔上左我屋企,我將個電話交左俾果個女仔幫我聽。
之後第三任無再搵過我了。
對佢,我係有遺憾。我係心態最差、個人最不知所謂既時候遇到佢。
但呢的無得挽回。時光無法倒流。當時我確實係一個爛人。
電影「一代宗師」裡面的情節,宮二說:「我在最好的時候遇見你,是幸運。」
而我,係最壞既時候遇到第三任,係不幸。
之後就係第四任。呢個,歷時十六年。結埋婚。但,不是喜劇收場。
點識?交換mp3識。當年有個軟件叫winmx。而家應該摺左了。用來交換mp3的。當時我search一首歌。恰巧佢有。完成下載後,我禮貌上send左句「thanks」俾佢。呢的,通常唔會預人覆的。點知佢真係覆。之後傾起偈。之後約出來。第一次約會地點係九公園。
如是者,約會幾次,我同佢係2000年平安夜開始。地點又是尖嘴。
而且,好快,就住埋一齊。
呢個,我唔係好識形容。我曾經覺得自己好鍾意佢。好深刻記得,平安夜,同佢開始果晚,我眼中只有佢。
你地應該知道,平安夜呢的日子,街上的女仔,全部經過悉心打扮,基本上係全年最靚。但,我全部睇唔入眼,因為我已經有佢。
但呢的咁濃烈的感情,可能只係幻象。又或是,一下子燒得太盡,好快熄滅。
我同佢好快就變到平淡似水。
但係,生活習慣上,我同佢係夾得到的。
而且已經住埋一齊,要分開都麻煩。我同佢有一個共通點,就係同屋企人關係唔好。免得過,都唔想搬返屋企。咁,雖然淡,但夾,相安無事,於是咁就一直行落去。
同居十年。佢有第三者。離開左。
一年後,佢搵返我。我接受。
無幾耐,我同佢結婚。
幾年後,佢又有第三者。
於是,離婚。
完。
11年前既事, 唔記得晒囉~~~~
分享 分享 讚好人數:1查看名單


好有同感添~~~~~  
11年前既事, 唔記得晒囉~~~~
分享 分享 讚好人數:0查看名單


越睇越5明……我係長者……本帖最後由 您旺旺 於 2017-04-26 15:52:21 編輯
分享 分享 讚好人數:0查看名單


越睇越5明……我係長者……
您旺旺 發表於 2017-04-26 15:51:57 原文

即係男女間的離離合合囉~~~~  
11年前既事, 唔記得晒囉~~~~
分享 分享 讚好人數:0查看名單


一不离陀,二不离秤,讲完都唔知噏乜!

辛苦晒,写咁多纸!
分享 分享 讚好人數:0查看名單


即係男女間的離離合合囉~~~~  
大大隻熊 發表於 2017-04-26 16:01:57 原文
这男人,缩骨算爆老很土!
分享 分享 讚好人數:0查看名單


一不离陀,二不离秤,讲完都唔知噏乜!

辛苦晒,写咁多纸!
過主啦 發表於 2017-04-26 16:21:24 原文


只係人地的愛情歷史, 自己有時間都回望一下自己個CASE 啦~~~~~
11年前既事, 唔記得晒囉~~~~
分享 分享 讚好人數:0查看名單


这男人,缩骨算爆老很土!
過主啦 發表於 2017-04-26 16:24:37 原文

愛倩無話對與錯的啦~~~~ 傻兄~~~~
11年前既事, 唔記得晒囉~~~~
分享 分享 讚好人數:0查看名單

頁首 帖首 在本分區發新帖 曾訪分區
1...4
支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請按此瀏覽"重點帖子"! X
分區表  登記 登錄 頁首 回帖 搜索 頁尾 在本分區發新帖