我地由2016年8月24日攞到鎖匙到9月頭開始裝修，用左2個月時間裝修，我地裝修到一半嘅時候，樓上單位也開始裝修，到依家已經隔左咁多個月樓上單位仲喺度裝修，啱開始我地認為係裝修時期，等佢地整完就正常啦，點知到依家仍然係日日都喺度鑽牆、鑽野（真係諗唔明點解有咁多野鑽）到左夜晚，鐵釘、螺絲倒落地下，鐵鎚跌落地下，搬野，拖野，電視聲，關門聲，大大聲講野，樓層又薄，佢地講嘢，真係可以聽得一清二楚，就咁樣要維持到零晨3、4點，4、5點，晚晚如是，我地早上7點要起身，小朋友要返學，夜晚經常俾吵醒和吵到瞓唔到，仲試過晾啲被出嚟係完全冇擰過，好似落大雨咁，我窗台床邊都整濕晒，我地向管理處已經投訴過幾次，但都係冇改善，最嬲嘅係管理處啲人竟然話冇辦法，大家忍讓下，又曾經搵過吳經理，佢話會跟進，但係到依家好明顯冇人做過野，針冇拮到肉唔知有幾痛，咁多個月嚟晚晚都冇覺好瞓，精神真係崩潰，請問大家，我仲可以去邊度投訴？啲人點解可以咁自私，真係憤怒到極點，隔離單位又養左狗，成日喺度吠，唉！真係禍不單行本帖最後由 古希兒 於 2017-03-24 08:34:28 編輯
