|
心情動態：
來自非公營房屋 |
極慳男日使50蚊買600萬樓 地獄式儲蓄：拍拖嘥錢
 岑先生為買樓慳到每日只用50蚊，但而家食一餐飯都唔止50蚊。話題之作《有樓萬事足》周一（20日）就出街，節目除了有高潮女Seasun講金句之外，其實都算「用心良苦」，都有引用勵志例子，話畀大家知有心儲錢都可以買到樓。不過觀眾似乎不太受落，尤其是預告片講到每月可以儲到105％錢的Macy，錢又儲到樓又買到，得到網民喪插的原因，源於錢真係自己儲，其他花費就轉嫁到家人及男朋友身上，覺得如果係咁而買到樓，真係好唔要得。而Macy事後就受到輿論壓力，又指是節目剪接效果讓大家誤解她的意思，目前都不想再接受回應，只想事件隨時間淡去。 另一邊廂，勵志例子不止一個的，還有40歲任職過小學教師的岑先生。佢就犀利啦，為了買樓，曾經在8年間，每日限制自己只能夠用50蚊，最後以300萬入手價值600萬的西半山私樓，當初畀住一半錢先，現在供剩下未付的300萬，繼續有咁慳得咁慳，現時層樓不斷升值，岑生而家真係好和味。  岑先生就算現在上了車，都繼續慳，慳到手機都不會換，只用2G手機。8年每日只能用50蚊，幾乎最接近神的人才能做到。岑先生儲錢8年，就足8年宅男，真係「其實自己一個更開心」，因為一日只能用50蚊，如果拍拖，兩個人點夠使？所以岑生覺得拍拖嘥錢，做毒男更好，起碼買到層樓。岑生過往地獄儲錢模式，現代人都未必做到，他做教師期間，日日返工帶飯，車又唔搭只行路，盡量零消費，不見朋友斷絕社交，就算而家上到車，他都一於慳到底，只用2G手機，都咪話唔誇張。岑生在節目會分享自己無所不用其極的儲錢方法，不過現在出街食午餐，都差不多用盡50蚊，有找都只能夠用來搭車，這種慳錢方法會唔會太辛苦自己呢？就見仁見智了。  50蚊男手中的是NOKIA 7100 Supernova，08年出品，佢繼續用。（網上圖片） 岑生為買樓慳到盡，又會否是女士們的筍盤？
|
||
|
u-01594-8
揀樓次序： P058613
|
|||
|
心情動態：
來自非公營房屋 |
21歲Vivienna標籤90後唔上進：有樓人哋當你神咁拜
 Seasun自比母猴，提出公猴論，新奇有趣。 萬眾期待的TVB實況節目《有樓萬事足》終於播出第一集，觀眾留意的不外乎是愛樓愛到出晒面的港女Seasun會有什麼更驚人的發表，還有看她如何解釋那套獨特的價值觀。除了Seasun，還有完全相反的「尋覓真愛女」Inky，雖然已經有樓，但仍渴望有個伴，因為「人生咁先會圓滿」。  有樓別人就會當你係神，會唔會太誇張？！（電視截圖）原名鄧寶怡的Seasun改名叫鄧湤鉮上節目，一睇個名都覺得複雜，想必有研究玄學風水的Seasun想以新名改運。她所講的「冇樓唔好白撞」、「有樓有高潮」，大家都聽到有啲厭，Seasun再有非正式科學理論，她自比母猴提出「公猴洞穴論」：「母猴就要負責揀條件好嘅公猴，條件好嘅公猴當然要有一個洞穴，個洞穴仲要夠大，如果唔係入到隻母猴，個洞穴就冇位。」這番理論再次令人費解，而音響公司CEO阿龍反擊，覺得Seasun好唔要面，如果一個男人幾個女人分咁點先？結果Seasun好有自信地話：「咁又唔介意，好嘢自然多人爭，不過而家香港係行一夫一妻制。」 除咗Seasun，另外一個仲讀緊書、21歲的少女Vivienna同樣都有金句：「以前話知識改變命運，但而家就係買樓改變命運。」講到自己要26歲前就要買到樓，為了達成目標，雖然讀緊書，但都會做不少兼職，做下model，她聲稱現時月入可以有四萬，高峰期更高達十多萬，真係好得人驚。點解樓對佢咁重要？Vivienna講到甜思思咁：「因為人哋見你有層樓喺手，人哋就會當你神咁拜。」 究竟現在的香港人係咪真係咁膚淺？有個環節就請來Vivienna的大學同學討論，他們都不會視買樓為人生目標，不過Vivienna想點就是她個人的事，不會多講幾句，「佢唔覺辛苦就得啦。」就是因為意見不太一致，Vivienna就話自己喜歡40多歲的男人，因為那個年紀的男人有事業有地位，「證明佢係比較有目標同有自信。」身為90後的Vivienna仲標籤埋現在的90後：「（他們）都冇一個好明確嘅目標，尤其係男仔，玩完就算。」似乎Vivienna持有比其他90後優越的心態。  21歲的Vivienna表示自己想搵年紀較大的男人。 就係咁，作為90後的她，標籤埋一班90後男性唔上進。 Vivienna的見解，相信有不少90後會大喊冤枉。今集最後就有上了車的32歲單身女Inky，求真愛求到上節目，講到男人冇樓唔緊要，因為佢有，一切問題都好易解決。Inky在節目中講到自己好節儉，就算現時已入手一個小單位，她都是壓價壓了45萬，這其實很正常。不過Inky也分享了慳錢心得，聽到都覺得有啲慘，點解？她講到為慳錢，頭髮一定由自己剪，還剪到有一手好技術；另一個方法就是捱餓，食一餐可以頂成日。Inky提到這種方法叫「餓字訣」，「我好鍾意呢種感覺，因為一餓就會覺得自己有存在感。」Inky身邊朋友講笑，如果男人想食軟飯，Inky是個好選擇。 睇完第一集，重點除了幾位女性的擇偶條件之外，其實不禁會產生疑問，究竟為了買一層樓，係可以去到幾盡？慳錢捱餓，為的是有樓的實在感，其實真是值得嗎？與此同時，下一集預告話你知，有人為了買樓，一日只用50蚊，簡直是沒有最新奇，只有更新奇。  Inky話餓先會有種存在感，好有哲學feel。
|
||
|
u-01594-8
揀樓次序： P058613
|
|||
|
心情動態：
來自非公營房屋 |
日本廢青姿勢人像參考書 教你畫出頹樣美學
有種人的放鬆或休息的慵懶樣子，總是格外有型性感，好似《阿飛正傳》中，充滿頹廢美學的張國榮所飾男主角旭仔（阿飛）跟張曼玉的蘇麗珍於公寓「完事」後，穿着背心底褲躺在床上點起「事後煙」吸着（雖然下一秒就跟蘇麗珍鬧分手），雖不修篇幅，但型就是型，無解的；不過如果你是位禿頭仲要頂着一個「士啤呔」肚腩的平凡大叔，那麼出來也許只有麻甩同不整潔這反效果吧。  廢青已成為日本後生一輩常態，也是有其美學的，藝術價值不低，因此就有了《だらっとしたポーズカタログ》這本奇書。（Maar.com）坊間又或者網上都有好多人像參考教材，教人畫像真程度高的複雜動作和動感姿態，角度、透視和身體比例要拿捏準確可不容易，反而放鬆或休息的姿態卻較少人研究。其實而要表達靜止—慵懶狀態的魅力和氣質，人物的表情和姿勢要自然，散發倦怠、無神的氣場，對漫畫家來講要掌握也一樣考功夫。有見及此，日本美術書籍出版社「マール社」即將推出一本專給畫師參考的人像參考書《だらっとしたポーズカタログ》，圖文並茂教畫各式男女頹樣。   全書幾百張相，不少是人們在家中徹底無拘無束的狀態。（Maar.com） 真人照片外亦有二次元化的漫畫版示範，加上骨格草圖，慵懶性感還是廢青無神還原冇難度。（Maar.com）這本人像參考圖鑑，更像一本指南，收錄多達800張相片：三位男女模特兒身穿日常家居便服及內衣褲，擺出各式休息姿勢包括坐、躺、攤、挨、趴、伏或者介乎這些之間的放鬆姿勢，亦有站着伸懶腰、無神地「寒背」行走等另類之選，正面到背面以多個角度、輔以不同背景如床上、榻榻米，務求清楚呈現懶洋洋的狀態給畫師捕捉神緒、臨摹練習。 隨着日本中產社會進一步下流，年輕人就業環境繼續轉差，散工和派遣員工成為就業常態，生活更加朝不保夕，因此出現不少經不起職場或社交挫折，或寧願受經濟條件優渥的雙親照顧、不去返工或進修的隱蔽青年族群，甚麼「尼特族」、「繭居族」、「啃老族」——何種標籤也好，總之這班年輕人數量不斷上升，注定成為未來日本社會的關鍵群體，影響力不容少覷，未來的動漫作品也許會出現更多以頹廢隱青為主角、為題材的作品，一眾漫畫家或者考慮下人手一冊《だらっとしたポーズカタログ》傍身，以便不時之需了。 |
||
|
u-01594-8
揀樓次序： P058613
|
|||
|
心情動態：
來自非公營房屋 |
|
|
u-01594-8
揀樓次序： P058613
|
|
歡樂香江
