香港公營房屋討論區
主頁 » 休閒天地 » 聊天室 » 男性族群 » 談情都要有飯食 你住劏房我點嫁你
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索 支持鍵盤翻頁

談情都要有飯食 你住劏房我點嫁你

老老實實,當你知道對方係住劏房,你仲有興趣同佢發展落去咩?唔好同我講埋哂啲咩誠哥發跡前都住過劏房嗰啲大道理,依家呢個香港,有望上流嘅機會都唔知有無百萬分之一。

唔好又講埋啲咩好多人發咗達都好慳,人哋係有得揀架!但如果我跟咗個劏房仔,我仲有得揀咩?如果對方住劏房之餘仲只係打份文員工,可以話就咁就一世,同佢發展,除非覺得捱係無問題,或者你以前真係不嬲窮到褲穿窿,覺得有瓦遮頭已經好好,又或者,你係啲乳臭未乾嘅死o靚妹只求唔洗返屋企,如果唔係,我諗一般女仔,都無理由揀個劏房男掛。

生活不平衡
需要用嘅嘢都唔夠位擺,更何況想買啲自己鍾意嘅嘢?話哂都女仔嚟,都想可以買多幾套衫有得換吓咁,但劏房一眼睇哂咁大,仲要住兩個人,你點慳位都好難可以正常生活啦。平時話Work Life Balance,「Life」入面個享受應該包括可以適量地買自己想買嘅嘢奬勵自己,但都唔夠位擺,點life啫!唔好話去旅行要就住就住唔可以買嘢返嚟,連旅行個喼都唔知放唔放到屋企!

家不成家仲影衰自己外家
唔好話我要麵包唔要愛情,講真你住公屋又好租村屋又好,呢啲個麵包都唔方大啦,但起碼好過劏房,因為個地方真係畀到你一個家架!但劏房得咩?想轉個身都難,個廚房又分分鐘係廁所隔離,夾硬住入去都只會家不成家,磨擦一定好多。而且生活得一啲尊嚴都無,你都唔好意思同人講你住邊啦,特別係對住啲mean開嘅親戚朋友,唔止自己羞家,仲會搞到爸爸媽媽都畀人笑架!

拖累下一代同你捱
住得劏房嘅男人多數都係得過且過型,有幾可會畀你遇到個係卧薪嘗膽緊吖,同劏房男可以談到啲咩將來?好話唔好聽,我肯同你捱劏房,咁將來嘅小朋友呢?一生出嚟就要佢受苦呀?定係因為住劏房而決定唔生,用養一個細路嘅18年時嚟儲起供書教學嘅400萬,咁退休咪買到啲山卡啦咁遠嘅樓囉,係咪?

不過一樣米養百樣人,或者唔係個個女仔都好似我咁實際嘅。但唔該一眾劏房男,除非你哋有哂目標要發奮圖強,如果唔係,唔該溝女溝得審慎啲睇吓人哋係咪肯同你捱,無謂害人啦。


u-01594-8  
揀樓次序: P058613
分享 分享 讚好人數:2查看名單


Um ……
分享 分享 讚好人數:0查看名單


香港住屋真係一大問題!
分享 分享 讚好人數:0查看名單


过主啦
分享 分享 讚好人數:0查看名單


又話男女平等...咁你住劏房點娶你呀
即喺出世冇大宅就不如同淋病日日攞五百好過嘞
分享 分享 讚好人數:1查看名單


好現實嘅問題
命裡有時終需有,

命裡無時莫強求。
分享 分享 讚好人數:1查看名單


分享 分享 讚好人數:0查看名單


唉...貧富懸殊持續惡化既話
社會既分化只會每況越下
分享 分享 讚好人數:0查看名單


所以申請公屋係唯一出路……
分享 分享 讚好人數:0查看名單


首先不應貼標籤,我曾經見過一對年青夫婦住喺「劏房」都好開心,好恩愛。

雖然個人認為以現今社會的財政狀況,考慮到衛生健康,環境安全等因素,應逐漸取締「劏房」,用公屋的居住環境作為基礎是比較合適的。也正因如此,亦希望已經入住公屋的居民能珍惜環境及資源,千祈唔好搞破壞。
分享 分享 讚好人數:0查看名單

頁首 帖首 在本分區發新帖 曾訪分區 支持鍵盤翻頁
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請按此瀏覽"重點帖子"! X
分區表  登記 登錄 頁首 回帖 搜索 頁尾 在本分區發新帖