原來星期五晚上，有人post左一張露宿者係一間地產中介公司門口露宿嘅照片，引起多人嘅分享同討論，留言中正反兩面嘅意見都好多，有人認為唔應該將露宿者放上網，亦有人認為會引發一場道德革命，應該做。
本人基於係區內人士，每日路經該地都會見到伯伯，但每人都有其背後故事，自問未大愛到要了解伯伯露宿的原因，只係尊重佢嘅生活，並希望佢自己接受呢種生活。
深水埗區好多淒酸事，係外區人所不明白的，有一位伯伯，每晚衣衫單薄，拉住一大堆雜物，係附近四處遊蕩，多年來習慣不改。呢兩位伯伯，只係區內兩個例子，仲有好多不願透露，要明白貧民區內，真係有好多慘不忍睹嘅事每日發生。
與其映張相，就話可以憑網絡嘅力量幫到露宿者或生活水準低下嘅貧民，不如你親身去協助佢，或者聯絡有關部門進行協助啦，而唔係映相留言當幫左囉！
除左其本人有問題，各位share呢張相前，有無認真思考過？你令露宿者嘅位置曝光，可以為露宿都帶來咩正面影響？香港政府多方面打壓露宿者，係原本大量露宿者聚居嘅天橋底裝設大量石塊，令露宿者必須另覓容身之地；多次利用環境清潔為由，清走露宿者財物，令露宿者僅有的財物全然失去；係公共空間嘅所有座椅加設扶手，令露宿者無法以座椅替代睡床⋯
種種惡行，都令一眾露宿者無處容身，但又無足夠社會配套去協助各有前因，導致選擇瞓街嘅露宿者更加難堪，而呢啲野，你地share張相之前有無考慮過？
成日話香港生活好艱苦，成日鬧政府呢樣嗰樣，成日覺得要為香港做返啲野，點不知其實都不過係跟風，人講乜你講乜，映張相放上網就覺得自己好撚幫到人，咁都不突止，share呢張相嘅，半句評論都無就直接share！大佬呀！做事可唔可以睇深啲呀？如果一張相可以改變到事實，咁使撚思考咩？醒下得唔得呀？
最後，香港無希望，係因為有一班左膠，認為講左就係做左，試過就代表成功，如果香港人仲係抱住呢種思想，咁不如一個原子彈，炸撚爛個香港佢算，呢度啲人無撚得救！
