雖然匙又未派,屋又未睇,但宜家成日都諗間屋點裝修點擺位。因為空間有限又要放2張床(極度討厭高架床所以唔會整)又要有私人空間真係諗到頭都大,宜家尼張圖係我暫時最理想既設計,當然理想還理想,做起上黎又另一回事,所以希望大家可以一齊傾下可唔可行,有咩可以改善。
大概講下重點
1)近窗用趟玻璃門間房,放4呎床,床尾連衣櫃
2)梳化後凹位做開蓋櫃,上面窗位置希望用黎浪衫
3)近門口用衣櫃同書櫃間房,櫃興櫃整趟門出入,床尾書枱不間板/牆,打空俾自然光入房,訓交用布簾遮住(理想成間房係一個組合地台床)
4)大門對牆放雪櫃,雪櫃門向房,雪櫃上做頂櫃後做層架櫃,最理想可以用板間個雪櫃位出黎,睇落去歸一啲
5)大門位置,偷旁邊衣櫃位做鞋櫃
廳同房大概係咁,廚廁都應該都係參考其他人。
其實我預10萬以下整晒全屋(連家私電器)(水泥有認識既人幫手所以基本上免費,主要係木工廚廁),知道如果要咁設計基本上全部訂做,所以都唔知整唔整到。
希望大家分享下俾下意見。