睇完我笑左出來
三叉喉,右邊係廁所抽氣扇,下面係抽油煙機,左邊出街
敝宅不是新裝修,原本亦無抽油煙機,聽呢度師兄師姐介紹,所以幫襯富X皇。
以為日本產品信心保證,亦都以為裝抽油煙機者,唔會有大問題
點知加上香港做代理就真係undefined
undefined
安裝當日我要返工,由老公開門俾“師傅”
“師傅”見到安裝位置,話夠位裝,但話我塊出風口玻璃太窄(7吋),出風喉則有6吋,驚鑽孔時會鑽爆玻璃
“師傅”於是提議裝呢條三叉喉,仲話開抽油煙機時只要開埋廁所抽氣扇,咁就唔會倒灌
我同老公都係門外漢,所以信佢講,點知賴哂野
“師傅”開左櫃底孔,將鋁喉駁抽油煙機就走左,佢話基本安裝唔包三叉喉,要我地自己整
我老公於是自己出去買條三叉喉,自己托上去駁
如果真係行得通既,我地自己整真係冇所謂,但問題係完全行唔通
我一開抽油煙機,廁所門隙d係咁吹風出來,即係倒灌囉
即係我爐頭煮乜,廁所就聞到乜undefined
第二日搵返代理,結果呢?
佢賴我個廚房有問題,開唔到玻璃孔,或者開孔會爆玻璃,所以先駁三叉喉出
我嬲到反白眼,如果我廚房有問題,你大可以話唔夠位裝,收返睇位費就算,點解你夾硬裝上去,再提議三叉喉呢條屎橋(呢度有網友直頭話係白痴)呢?根本擺明靠害。
好喇,我叫佢同我開返玻璃孔,抽油煙機獨立駁喉出街啦,佢竟然話要再收$400安裝費和每呎$25鋁喉,仲要我簽同意書,話“師傅”打爆玻璃唔會賠償
我覺得自己去左黑店囉