【on.cc東網專訊】「晚晚霸晒條天橋做生意,啲檯擺到去升降機口,我同過食環署投訴,但佢哋都好似冇認真處理,問題就繼續喺度,再咁落去惹埋一大堆曱甴老鼠就大件事!」牛頭角下邨居民羅先生表示,牛頭角街市行人天橋屬主要通道,惟街市熟食中心的檔戶卻佔用整條天橋放置桌椅招呼食客。羅不僅擔心環境衞生狀況漸趨惡劣,又指有食客酒後情緒高漲,不時放聲高談闊論,影響天橋使用者及附近居民。
記者曾於晚上到場視察,發現天橋上兩旁均放滿圓桌,座無虛設,食客在寒風凜冽下享用火鍋,當中有人吸煙、飲酒。圓桌陣更延伸至升降機出入口旁邊,記者甫踏出升降機便有火鍋蒸氣夾雜二手煙撲面而至。於連接涉事天橋的街市範圍貼有告示提醒市民該範圍嚴禁吸煙,惟一步之差的天橋卻未有相關告示。
食物環境衞生署發言人證實,過去1年共接獲4宗相關投訴,同時於接獲轉介投訴後派員巡查,發現有熟食中心檔戶非法佔用行人天橋,並造成阻塞,已向有關檔戶負責人提出檢控。惟該署並未有回應過去1年到上址巡查的次數及任何改善上述情況的計劃。
衞生署控煙辦公室發言人則解釋,由於上述行人天橋圍封程度未達各邊總面積的一半,故不屬於法定禁煙區。
「每投訴1次食環署先巡1次,啲食肆收歛一排見冇人巡又擺番晒出嚟!間中巡吓捉到先畀張告票佢,食肆賺多幾枱客生意條數已經喺番度,咁樣點會有阻嚇作用!」當區區議員張姚彬批評食環署巡查疏漏,執法力度亦有不足,致問題長久無法根治。張姚彬又指出,食環署有必要加強管理街巿,提醒租戶倘違反租約規定將會受罰,甚至影響續租,以收阻嚇之效。
牛頭角街市與牛頭角下邨有行人天橋連接,日間行人天橋非常廣闊,但晚間則被食肆佔用。