大家都無謂勞氣了,在呢個討論區的準業主,有邊個買左層樓唔想早日收樓架啦? 唔想收樓果個都一早撻訂啦,只不過有人會想早D收,亦有人覺得唔駛急啫,但肯定既係人人都想知幾時收,討論區的作用就係互相討論及分享資訊啫,無論你係準業主,定係路過的人,都可以討論架,只係大家互相尊重大家不同的意見,即使有人同你持不同意見,甚至出言責罵,都有其表達意見的自由,只要唔違反討論區守則或法例,係嗎? 成年人自己分析別人的意見啦,人地已經講左估計幾時收信收樓只係其個人的估計,你睇完當做個參考囉,你可以唔信架,又唔駛批評人錯的,除非係官方公報的先可以作準,相信呢個大家都同意吧。
總而言之,希望青富苑收樓的日期可以早日落實,無論係提早邊個月收,唔駛準業主們心掛掛