回應 #66 sparrowjoe9861
咁白表就唔使諗啦,未來呢一兩年平啲,你又未必抽得中,雖然而家樓價係一路跌緊,但鑽石山啟翔苑新樓嚟講,大概九千幾蚊一尺,市區近地鐵站仲要新私樓嘅話,應該都好難可以跌到九千幾蚊一尺嘅,咁樣諗就會舒服好多。
不過話說,我舊年都用白表長者抽中咗,最後冇去揀樓,但我記得前一日睇過,啟翔苑都仲有兩個三百幾呎單位,一個係1樓、一個係17樓,兩個都賣三百幾萬,之後馬鞍山、火炭同埋皇后山幾乎可以任揀,但如果買嘅話我只係對鑽石山有興趣,但係最後冇買就係因為嫌貴
,不過我個情況就唔同既,因為我排緊公屋,亦都知道今年會派得到,所以唔想夾硬孭起300幾萬呢條數係身,否則我應該都會買17樓嗰個單位。
不過其實長遠我都想買既,只係而加經濟未許可,但我會偏向選擇想要綠置居,因為如果淨係講自住用途嘅話,真係平居屋好多,性價比高好多,你淨係睇今年年尾準備攪珠果個油塘就知,價錢平過今年居屋嘅北角同啟德勁多,一個四百幾呎大單位兩球半都可以買到了,北角同啟德居屋,四百幾呎大單位冇四球幾走唔甩……….你話地段來講,我又覺得油塘,對比北角同啟德都係差唔多位置…….
本留言最後由 nightkeeper11 於 2022-11-25 21:24:10 編輯本留言最後由 nightkeeper11 於 2022-11-25 21:29:55 編輯本留言最後由 nightkeeper11 於 2022-11-25 21:31:30 編輯