綠長最多取去100-200個租置單位左右, 點會攞晒800個租置而變成1600個吖, 租置細單位佢地唔會要啦架
CardyLam 發表於 2021-08-20 21:34:00 原文
（先利申：我只對租置有興趣，綠置居唔會買，唔係單純係價錢問題，仲因為我而家住豆腐渣新樓，質素參差，間格唔實用，先想換舊樓）
我真係唔明，點解咁多人，仲咁天真，
以為租置好多好野，
住得好地地，人地唔買都繼續租啦！
收到返來的，多數唔係細單位，就問題單位。
即管放長雙眼睇下，到時幾多人跌眼鏡，
名單一出，過半數唔係細單位，就問題單位，
一係就環境因素差，近垃圾房，座向/樓層差。
我去幾條有興趣買的邨，
睇圖則對門牌號碼，再搵新聞，
發現果幾條邨，過半數一房以上單位，
都係凶宅……
如果近年發生，新聞/凶宅網雖然冇寫明邊個單位，但同樓層有吉房，睇得出鋁窗/露台鐵欄係新換上去，9成都係果間；其次就係，如果新聞有相，遺體落在果間吉房正下方，又係多數係果間。
部份我更加上過樓問鄰居/樓下保安，證實係問題單位；當然有極少數真係好野來，保安都讚。
連市區出售率最低的 翠屏北邨，
我都只見到，
只有 翠梓樓，翠楠樓，翠榕樓，翠桉樓，
加埋有六七間，30平方米以上的吉房，
呢條邨吉房，集中在舊長型的細單位。
全港出售率最低的 山景邨，
吉房都主要係細單位，
雖然大單位吉房，都較其他邨多……
（呢條邨，我完全冇興趣，只係了解下，出售率最低的屋邨，係咪代表一定多吉房）
而同樣出售率低的 朗屏邨，
情況就截然不同，只有十間左右吉房，
可見出售率低，唔代表吉房就會多。
我見過多吉房的租置屋邨大廈：
翠屏北邨 —— 翠楊樓 翠桃樓
舊長型，全座均為，約23平方米，
唯 翠桃樓 每層另有一間約18平方米單位。
利東邨 —— 東茂樓 東興樓
Y1至，全座均為，約23平方米細單位。
??以上兩邨相關大廈，均每座有至少二十間吉房
多大單位吉房屋邨推介：
黃大仙下一邨
迷你單位固然有唔少，我冇數，
而30平方米以上的單位而言，
Y4型果幾座尤多，約有十幾間，
相連長型 都有兩三間，
係市區罕見的例子，但有幾間，
對過新聞，好大機會係問題單位 ?
其餘租置屋邨，尤其市區，
30平方米以上的吉房，
絕少會有多於10間。
本留言最後由 CardyLam 於 2021-08-20 22:43:25 編輯
