Ikki

外國中幾多死幾多係佢哋嘅事，但香港人，無論你聽話打足幾多針，依然係沒有脫口罩的自由，也沒有入境免檢疫的自由，根本就係完全講唔通。

喜歡抗疫，甚至抗疫抗上癮係好個人的事，覺得長期封關沒有問題也是非常個人的事，但你不應該指責那些認為『全世界開關而入境香港卻繼續要檢疫太過分』的香港人，因為香港本來就是國際城市，佢哋本身都係世界公民。
本身已接種第三針5個月，下月準備打第四針。

cyrus123

Ella732

oginome

回應 #32 Ikki

"你不應該指責那些認為『全世界開關而入境香港卻繼續要檢疫太過分』的香港人，因為香港本來就是國際城市，佢哋本身都係世界公民。"


真係唔應該指責，即使套邏輯明顯有問題，要點諗係佢個人自由。
香港仲算唔算國際城市真係唔知，係咪可以自出自入就等如國際城市呢，咁做國際城市都唔難，世界公民？我剩係知香港人出到去鬼佬只認得你係中國人，係唔係世界公民我唔知，個標準係咩？亦唔知要邊個批准先係，我剩係知有樣嘢叫移民，香港係隨時可以容許香港人移民，只要人地收你就得，人地收唔收你就由人地講 520 究竟係 "我愛你" 定 "唔要你"，而佢要唔要你嘅準則應該不在於你係咪世界公民，係咩大家心照，香港仲可以有身分證就返得嚟，鍾意外國嗰套真係可以走，要走要留自己取捨。

catchiumoo

Ikki

回應 #35 oginome

抗疫政策只講常識，不講政治。覺得本地防疫政策荒謬的香港人絕對不在少數。我和他們都是香港人，我們都想香港盡快恢復正常，就這樣，卻也要被你們這些抗疫精英趕走勸退（移民）。實在係非常搞笑。

oginome

回應 #37 Ikki

我冇勸退，只係尊重各人自身決定。
我唔知抗疫政策點樣先係啱或者好，我只知如果個理由係 "個個都咁做點解你唔係咁做" 先真係荒謬絕倫。
仲要加埋 "覺得 xxx 嘅 xx 人絕對不在少數" 咁樣去壯大聲勢去作為 "常識"，咁樣叫做 "唔講政治"，呢啲唔係搞笑係卑鄙。

Ikki

回應 #38 oginome

Ok，今天確診數字跌穿200，但你絕對可以與那些跟你同行的，佔香港大部分人口比例的抗疫精英永續『動態清零』。
這樣的聲勢就最浩大的了。

oginome

回應 #39 Ikki

"Ok，今天確診數字跌穿200，但你依然可以與那些跟你同行的，佔香港大部分人口的抗疫精英繼續『動態清零』。
這樣聲勢就最浩大的了。"


首先，我唔知百幾二百喺疫情嚟講算多定少，亦唔係你所講嗰班人嘅邏輯荒謬之處，所以我唔知你突然又轉講呢樣為乜。


然後，我冇同任何人同行，我亦冇講我立場係多數定少數，我非常認同要用理據用邏輯用科學去分析同解決問題，我亦冇講過抗疫政策例如動態清零係啱唔啱好唔好，做人真係唔好咁，發覺自己講錯咗就轉移話題搞污衊，咁樣比起唔講邏輯靠人多係更卑鄙，不過絕對係做官嘅人才。


同情地理解你似乎有所誤會，講開就講多兩句，我都識好多人同親人最近移民，例如，佢地話因為教育所以移民，又因為外國突然俾 BNO 簡化咗移民手續同降低門檻，我個人認為咁樣移民絕對係正常思維，外國教育的確比香港好，又既然容易咗可以移民，咁樣揀真係好正常。
但係佢哋其實最驚係咩呢？我所聽倒嘅，真係外國防疫政策，英國啲學校，同啲學生講，乜都 back to normal，covid is gone，唔洗戴口罩，返全日喺學校食飯，學校唔會要你快測，自己覺得唔舒服你可以驗，即係可以唔驗。。。中咗嘅，自己留喺屋企唔返學三四日就得。



我講呢番說話，唔係要講邊度抗疫政策好邊度衰，而係就算選擇移民都一樣有唔認為外國抗疫政策更好，各人自我選擇只有取捨冇話對錯，用人數 選擇嘅多寡去講對錯，咪等如多數人話要燒死個證明地球係圓嘅科學家一樣。


又去翻你嘅第一句："外國中幾多死幾多係佢哋嘅事"，如果用你觀點中 "香港係國際城市"，咁外國中幾多死幾多就絕對唔可能只係佢地嘅事。。。香港應該唔理外國中幾多死幾多總之各國開放 back to normal 就要跟？

bryanw2368

人類同流感纏鬥百年未分勝負，限制措施要延續百年嗎？如果一定要延續，我相信有人希望是500年