多謝大家的意見～
終於入去睇左次，岩岩先翻新完，都好企理。
帶左老人家係樓下商場行了一圈，好似都幾滿意，
佢唔鐘意apm個d大商場呢～反而樂華小商場佢幾鐘意～
而家向遠望望到獅子山～（定大老山哈哈）
主任話可以比多2日時間我諗下
老人家錫我，問佢鐘唔鐘意呢度，佢都話睇我心水
一開頭未黎過，淨係知要上山，
可能佢擔心我返放工唔方便，就話叫我同房署拒絕，
但而家行完一圈，佢好似幾滿意
我都認同樂華的確係老人邨，但真心覺得呢度環境岩老人家養老，
近日見有谷友市2抽到白田／啟鑽，我都係度諗好唔好搏。
但諗起對老人家來說，似乎樂華係最平衡到。
希望冇做錯決定同得到各位支持啦～
（係唔知咁高層又向北，對老人家有冇咩影響，有咩生活建議或小貼士請賜教）
