SLLAM

絕對認同。我呢2年咁熱衷參加大抽獎, 一方面當然是希望改善居住環境, 另一方面便是怕政府將公屋富戶的標準...
pc090807 發表於 2019-11-16 21:19:18 原文

係囉，一旦成為“富戶”，就百分之百被趕走，抽居屋就唔係百分之百抽得中。

spdamenarian

thx for the infor

SKWCK84

其實公道d果句，新移民既樓又大又靚其實好多時都係某方面宣傳既野，當年拎到呢批樓既正正係香港公屋仲係豐富既時代（大約十幾年前左右），但當時得益果班唔單單止係新移民，果陣睇新聞節目，其實好多大專生夠18歲都申請定公屋排定，出黎做野前就有樓，所以呢批利期者並非單單係新移民尊美，只係近10年既潮流係本土主義抬頭，呢班人就成為攻擊目標，同樣地，南亞人係咪真係一申請就有公屋？其實亦唔係，佢地一齊同其他人排咁耐，事實上而家香港人排5-7年先上到樓情況，係其他人身上亦係無分別，但香港傳媒為左吸睛，就將一班南亞同新移民宣傳成好食懶做既一群人，而事實上南亞攪事果班，其實係拎行街紙既居多，有香港身份證果班其實一般都好正常，至於新移民點解女既可以帶小朋友唔駛做，好多時係男既通常肯捱做三行，呢行你肯做真係幾萬一個月係搵到，而佢地又唔似香港某d怪獸家長咁要小朋友贏在起跑線，一個月支出無咁多自然養到，當然我明白有部份真係咬緊政府綜援既人，但呢個政策似乎係每個香港人都可以拎到，只係你無某部份人咁厚顏去拎，我覺得你應該為自己自豪。
至於而家人好多人話咩真香港人，其實作為香港土生土長既我對呢個詞有d反感，除左係政治宣傳外我諗唔到呢個詞對人與人之間既關係有咩益處，香港人就香港人，事實上佢經過合法既移民政策就係當地人，全世界如是。
其實重點係呢幾年資源緊縮，基本上好多野都唔夠分，好似明日大嶼大家又反對咁，其實真係無得玩，當年天水圍，秀茂坪呢d地方起樓咁，又何嘗唔係d人唔想搬去既地方，但政策總係要有計劃既，結果而家呢d地方叫做發展成一個社區就開始爭，咁明日大嶼其實亦係一樣，早在曾蔭權時代無乜起過樓，呢幾年要cy 同林鄭（其實主要都係cy）推出既樓供不應求其實都係無辦法，所以要考慮既應該係點樣可以加快推行，但有時矛盾既係⋯⋯一邊諗住政府會行既時候，但一邊你/我選既議員又日日阻住，其實真係一個死循環黎。

SKWCK84

有時政府係做得好差，但係未做之前已經句句抽插，真係可以出到好結果咩？好似當年97經濟開始差，個個瘋狂抽插8萬5政策，結果如地產商所願，呢個計劃無咗，得益既係邊個？受害又係邊個？當年我相信已經進入社會工作既人都應該插董伯伯插得好過癮，結果出現既局面又點會估到係咁？
不過其實我都係舒發下自己感受，事實上而家既政局，加上近幾個月既亂世（相信會持續一段長既日子）黎緊既日子都會由大財團控制曬，日子應該只會越黎越差,亦唔好期望樓價大跌，因為樓價未跌前應該好多人都俾人炒咗

Emily4444

回應 #23 SKWCK84

其實真香港人的意思是精神上，以香港為家的香港人。大部分香港人是上一代移民來的，他們大部分都係努力工作，以改善生活，個心是留係香港的，不似近年才移民香港的人，在香港盡量享福利之時，不求付出，只投訴人吔歧視，又話內地幾好幾好，但偏偏千辛萬苦，單非雙非落嚟生仔，帶來誇境學童問題，教育問題，居住問題............你說得無錯，資源問題，以前香港環境好.這些事未迫到埋身，自然比較易接受，現在香港要保持繁榮，要付出更大更大的努力，面對不斷的競爭才可保持，但儘管多努力搵錢儲錢，都不及樓價升得快，唔係唔想唔買私樓，但真係太遙不可及，實在太累。

SLLAM

有時政府係做得好差，但係未做之前已經句句抽插，真係可以出到好結果咩？好似當年97經濟開始差，個個瘋狂抽...
SKWCK84 發表於 2019-11-17 02:52:00 原文

師兄都講得幾清楚同客觀。香港無自主嘅新移民政策，被動咁樣接受每日150個新移民係有問題，但唔代表新移民就唔可以攞公屋，因為只要符合申請公屋嘅規定就已經無問題。公屋供應不足，主要原因係政府唔起足夠公屋，寧願將啲地賣畀地產商起私樓或留空曬太陽。要批評嘅話，應先批評政府唔起公屋，其次係中央唔下放單程證審批權畀香港。

cky11197

SKWCK84

回應  SKWCK84

其實真香港人的意思是精神上，以香港為家的香港人。大部分香港人是上一代移民來的，他們大...
Emily4444 發表於 2019-11-17 10:58:34 原文

或者咁講啦，以前新移叫之中好多都係以香港為家，今時今日既新移民其實都係，只不過有一班人係當年有人用漏洞，例如假結婚等呃左黎港拎褔利，而點解會咁？點解以前新移民又較少呢個情況，其實係同褔利政策有關，以前拎呢d褔利，你要係香港永久居民先得，有好多褔利都係，但近10幾20年係易左好多，邊個派別既議員造成其實大家心中有數，仲有雙非政策，原本係唔可以係香港拎到居留權，呢樣又係邊個派別議員爭取？所以政府係有好多不足，但有時d缺口唔係政府或者中央造成，而係有d看似同香港人同行既議員。事實上其實我覺得中央基本無興趣係反對派所講既層面上控制香港，其實最重要既一樣野-金融已經控制左就夠了，只要香港唔係獨立，基本上中央真係無乜興趣理你，而事實上仲有20幾年就夠50年不變。不過回歸返主題，有好多野都控制唔到，而家可以拎到公屋就盡量拎，如果可以換到居屋就盡量換，而家個時勢將來會點無人知，拎左先係自己

joe11491

回應 #28 SKWCK84


分析精準！

樓奴

只要係喺香港生活嘅人，咩人都好(除了有錢人外)，都會為住屋呢個問題煩惱，人工低租金貴樓價高，每個人個處境都唔同，但大家面對嘅野都一樣，都係想盡辦法希望有個安樂窩，但呢個希望絕對唔容易，甚至覺得好矛盾，只要係身在香港生活每天工作嘅大家都一定感受得到那種不知何年何月得嘗所望嘅感覺吧！