cbyn

Thanks

dsiu

點會無機會，2019留左500比單人。。。只係500單位係最後500，有邊度揀就唔到你選擇口解。
今次應該係最後...
worldcat 發表於 2019-04-09 23:10:41 原文

我都係最近先留意原來單人申請係咁唔公平, 係比人揀完揀剩先到單人, 一定係垃圾位置啦, 又難怪年輕人對香港係咁灰....

Che05011

回應 #22 dsiu

話說我同一些由2014年每次都抽居屋的朋友傾計，佢地未婚亦無拍拖。我問佢地點解要抽居屋，佢地話抽左番黎咪擺住先，租比朋友住，等資產增值。得一個話希望自己搬出黎住。當我同佢地講買樓支出好大，買個250萬單位，首期以外，仲有印花稅，律師費，裝修，按揭契按金，管理費按金，除左首期，仲要預30萬以上用。班小學雞話完全唔知要預呢筆錢，仲話唔夠錢搵媽咪攞。我話，房屋福利一世人只有一次，他朝賣樓後就無得再申請公屋，除非成為黑五類（即離婚分樓，破產，攞綜援，社署攞薦，或資不抵債賣樓還債）佢地都話唔知，但其實佢地月入只有15K-21K，供樓支出隨時係人工一半，一唔好彩失業就無人幫手，佢地話經濟好無想過無工開。
樓價高企，一間居屋是一些寄居在老爺奶奶的小家庭，捱貴租的家庭，與同住家人不和的小家庭，甚至周未夫妻有一可負擔居所的希望，而唔係比班小學雞用來資產增值的投資品。咁想投資就去買納米樓龍床盤。


不過房協對單身人士的揀樓機制，相對好少少，甚少唔係食尾圍，但競爭都好激烈。

worldcat

回應 #22 dsiu

無野係公平
自己係白核，唔敢講你諗法啱唔啱。
但普遍睇法，"家庭"嘅住屋需求係大過單身人仕。現在資助房屋係解決緊住屋問題，並唔係置業問題。
如果政府肯俾我用倍半租金住公屋，我都唔想申請居屋。(家入未夠限額兩倍)

winwin1288

我都一樣，其實如果唔係全家總收入就快過房署限額，我都唔會想抽居屋，現在房署的家庭收入的限額真是超低，一個譚仔亞姐人工都有14000，佢三人家庭，如果每個人都去譚仔做，真係會爆額，我唔想犯法，所以叫亞媽休息一下，唔好做野，但咁都唔係辦法，用單身人士白表，中的機率，真是低都死，衰過中六合彩安慰獎⋯

simonjai

抽到都算好，都唔求啲咩

dsiu

回應  dsiu
無野係公平
自己係白核，唔敢講你諗法啱唔啱。
但普遍睇法，"家庭"嘅住屋需求係大過單...
worldcat 發表於 2019-04-16 13:10:33 原文

後生既一群都係想有咗個安樂居所先談組織家庭同生兒育女啫, 其實佢地都唔係下下想排公屋, 某程度上都係現實情況令到年輕一代去排公屋, 政府點解唔改變下, 或者唔會有咁多人唔做野等公屋呢!

dsiu

回應  dsiu

話說我同一些由2014年每次都抽居屋的朋友傾計，佢地未婚亦無拍拖。我問佢地點解要抽居屋，佢...
Che05011 發表於 2019-04-15 20:23:21 原文

我身邊有好多後生朋友唔係你所講既人, 佢地都好踏實, 只希望比到將來既伴侶有個安穩居所, 但現實情況係推佢地去排公屋

Che05011

回應 #28 dsiu

呢個先係正確態度嘛，我個d想將居屋租出來個d先至過份。

worldcat

後生既一群都係想有咗個安樂居所先談組織家庭同生兒育女啫, 其實佢地都唔係下下想排公屋, 某程度上都係現...
dsiu 發表於 2019-04-25 11:38:51 原文

你咁諗無錯呀，有屋有信心組織家庭。但呢啲已經係將來問題。
現時情況，核心家庭係解決緊兩個人或以上嘅住屋需要。等於長者家庭優先係因為解決到三個或以上嘅人需要。

老實講，相信政府係未搞掂家庭申請問題前，會對單人申請有乜大轉變。 單人申請增加機會率，咪個個離婚分開申請增加機會率。
而且越住越細同越住越遠係整個香港問題，身為蟻民實際無乜可以做。