jack9253

唔好係度妒忌我住緊既單位有幾大，我既童年有幾慘我自己知，我呢家大個只想脫離呢個地獄自己生活。唔該有無中肯既朋友答下我既問題幫下我，而唔係d妒忌友係度煩

梁Eva

回應 #11 jack9253
搬出去租屋住最少幾千蚊租金，你兩兄妹應該負擔得起嘅吧

jack9253

我估你現時3房單位應該係49-53平方米左右～
1. 如二人申請公屋，派的一般係21.X-23.X平方米左右, 你預派...
LittleTina 發表於 2016-12-22 21:06:35 原文

多謝你正常咁回答我問題先。
我老母借貴利走左佬，我地個單位就係咁比人上黎禁鐘叫還錢算唔算特別理由，我可唔可以係同邨申請個細既單位？，我老豆仲仆街，家醜唔想講太多，派到細一半無問題，我只想活得安樂，而唔係比我既"父母"間唔中整一獲野我嘆。

jack9253

回應 #12 梁Eva


    負擔唔起，我呀妹仲讀緊副學士，我做緊全職儲緊錢下年再讀書，我老豆老母供到我讀到中一炸，我要靠我自己追番d學歷，我小六全級200人我考40幾，我讀到書可惜我父母太垃圾，我老母係我讀書既時候連我綜援都輸埋，d社工個個係度hea做，唔理我既死活。係中一既時候我發脾氣打破屋企既野想逼我老母唔好再睹，點知佢報警拉左我，我比法官判左兒童保護令，將我困左係男童院"保護"我兩個月，搞到我出番黎番學唔夠8成出席率而要留級，我一怒之下唔番學。仆街我連飯錢都比我老母輸埋點番。我明明讀到書，比隻狗法官，社工同埋我父母玩到我一棟都無。

LittleTina

多謝你正常咁回答我問題先。
我老母借貴利走左佬，我地個單位就係咁比人上黎禁鐘叫還錢算唔算特別理由，我...
jack9253 發表於 2016-12-22 21:18:13 原文

唔算特別理由…唔會有體恤安置啦…但如果有追債問題受滋擾或者就係現有一家四口原有公屋戶向屋村辦事處試下申請村內調遷，但記住都係只有一家四口全戶調，冇分戶，你唔好諗住話唔洗排正常公屋申請就可以拎多一間同村二人單位分戶，幾特殊的case都應該冇咁ge機會…就算係一間三房拆做兩間2-3人單位都唔洗諗，真係冇左咁樣ge分戶政策ga啦！！

你只可以兩兄妹入紙，排返6-8年拎住第二間2-3人單位(99.99%唔會派返你住緊哥度，你條村應該唔多空缺)，咁鍾意同村ge, 到時先再天倫樂調返黎原本條村(當然到時都要再等你原本條村有空置並o岩2人ge單位)

LittleTina

兄妹自己排過間公屋要注意ge點：
- 小心揀申請人，如唔係申請人哥位先結婚，哥位就一定要删走，咁到時淨返申請人一個轉做非長者一人申請，就排到2046都唔會有樓…
- 如執著要住返海麗邨，用天倫樂調遷的方法係要承諾照顧父母，你講到同父母關係咁差咁唔想理佢地，咁我諗天倫樂唔o岩你
- 你地想脱離父母的話，何必再執著海麗邨？我知係住慣左，海麗邨都係正野…但要脱離就豁出去吧，最緊要都係有第二間屋排到唔洗同一屋簷下je…

lylgary

唉 更加無語！自己再諗辦法啦老友，等正苦再派單位比，你起碼要十年八載

jack9253

唔算特別理由…唔會有體恤安置啦…但如果有追債問題受滋擾或者就係現有一家四口原有公屋戶向屋村辦事處試...
LittleTina 發表於 2016-12-22 21:30:23 原文

為有係咁啦，我仲想問下我岩岩交左表，比卡我之前係唔係會有房處主任面見我架？

LittleTina

為有係咁啦，我仲想問下我岩岩交左表，比卡我之前係唔係會有房處主任面見我架？
jack9253 發表於 2016-12-22 22:05:59 原文

唔係。比輪候number之前你唔洗見主任。
佢內部審核完pass就會比number你，覺得你唔齊資料文件or超額就唔比number你，退返比你等你補齊返再交…
記得好好考慮邊個做申請人，冇得轉的。轉＝重新入紙，要改就襯早未有number好同佢講啦。
同埋諗清楚唔好報漏任何資產同入息，早日報返足，免得第時被抽稱
資產：定期、保險現金價值、聯名戶口、股票基金債券的價值
入息：一切可能的股息、紅利、利息…仲有家人比的零用都係黎…

lovejoeymsh

冇既，2人申請而家屎忽等6至7年或以上，未來10年冇樓