今日晏晝食飯時間,偷偷地去,
間嘢喺樓上,平時都好似冇乜人上去。
冇辦法,實在忍唔住!
有啲緊張,都好耐冇嚟,入邊裝修過,好似冇乜人,有幾個男人坐喺度,好似唔係幾耐煩!
見到個負責人,佢好好招呼,好好禮貌。
我細細聲問佢:"我想揾返以前相熟嗰個,唔知佢宜家仲有冇喺度做?"
佢問我:"叫咩名?"
我話:"唔記得囉!好多人揾佢嗰個!"
佢話:"你坐低先,佢應該去咗食飯,好快就返!"
過咗一陣,佢終於嚟咗,入房開始準備。
輪到我,負責人叫我入房,我一坐低,佢即刻伸隻手出嚟幫我把...脈!
跟住我即刻解開..袖口鈕,俾佢把,—路把—路問我舒唔舒服,我話:"Ok啦!"
,我唔記得戴口罩,因為我冇戴,所以問佢擔唔擔...心有菌?
佢笑笑口,冇出聲,即係唔係幾擔啦!
佢叫我有時間上嚟執多幾劑,好快好!
跟住我離開。
希望大家保重身體!本帖最後由 張其 於 2014-03-11 19:55:59 編輯