|
心情動態：
來自彩盈邨 |
o個刻覺得自己好偉大......!?
話說早兩日囝囝學校放假,咁咪返入元朗外家玩下o羅!5點放工時間,巴士樓下冇位咁咪同阿囝上樓上o羅,平時都係响落車前叫醒阿囝準備落車,點知佢一起身就流鼻血,我又第一次遇到咁情況,下站就落車喎!咁咪一邊"鏈"住阿囝個鼻一邊抱住佢,見巴士係紅燈停定,咪同佢落定樓梯o羅,點知轉燈巴士開車,我就抱住阿囝係樓梯一半sir左落去,坐左係樓梯底,當時唔知係我叫定有人大叫,c機就即刻停車過黎問我左我兩次有冇事,我就話冇事,冇事,其實我一心幫緊阿囝止血,咩都冇理,一路安慰佢冇事o架!媽咪幫你"鏈"住鼻鼻,一陣就冇事o架喇,唔洗驚o架!跟住就落車喇!落車成十幾分鐘先止到血,跟住咪抱住阿囝行返我媽屋企o羅!點知先發覺自己背脊好痛,返到我媽樹見到背脊紅哂,連斗氣都痛,跟住就去左睇醫生,好在照左X光就咁睇都冇咩事,報告要星期一先知,醫生話最壞打算係d骨裂左,但放心會自然生埋既.....
 [ 本帖最後由 亞敏 於 2009-5-1 00:19 編輯 ] |
||
|
|
|||
|
心情動態：
來自彩盈邨 |
但經過今次真係睇到香港人冇咩同情心.....
話說小朋友流鼻血好平常,但我真係第一次應付,我自己都未試過流鼻血,都真係有d手忙腳亂,咁仲係上層時有個太太安慰我唔洗咁緊張,天氣乾燥流鼻血好小事,咁出事後坐左係樓梯時,就只係聽到有人好大聲咁講,"車未停定就唔好咁心急啦"我只係見到前面好多人,樓梯又好多人,阿囝又摸住個頭(應該有小小撞親),有人問過有冇事呀咁,c機問左兩句,當時我仲抱住個仔幫佢止緊血,冇人扶我,到埋站d人就落哂車,到我落埋車成廿分鐘都冇人理過我....跟住我一手抱住阿囝另一手就拎住成推染血紙巾去好多人排緊隊既垃圾桶,要我講幾聲唔該,到d人見到推染血紙巾先讓開比我掉,個下真係覺得自己好偉大好堅強,  返到婆婆樹先發現自己塊面同衫都有血呀!鬼咩!阿囝一個刻嗽噴到我面都係,好彩唔係好多,唔係真係嚇死人...... [ 本帖最後由 亞敏 於 2009-5-1 00:28 編輯 ] |
||
|
|
|||
|
心情動態：
來自非公營房屋 |
|
||
|
祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡
|
|||
|
心情動態：
來自油麗邨 |
母親係危急既關頭,首先諗到既都係仔女有冇事,你係一位好媽媽,祝你身體冇事,就黎母親節我祝你母親節快樂！
  
|
||
|
|
|||
|
心情動態：
來自彩盈邨 |
原帖由 VickYeung 於 2009-5-1 00:29 發表 今次証明我應變能力大差la,下次一定會好小心,落車時我會大聲叫c機唔該等等,唔好心急.... 
|
||
|
|
|||
|
心情動態：
來自油麗邨 |
原帖由 亞敏 於 2009-5-1 00:36 發表 唔係你應變能力差,而係你心急個仔啫,你已經做得好好啦,下次上落車要小心d喇 
|
||
|
|
|||
|
心情動態：
來自彩盈邨 |
你自己都要小心身體呀
面對自己未做過既事大多都做得唔係咁好,你唔須要太責怪自己. 
|
||
|
|||
|
心情動態：
來自牛頭角上邨 |
你已經好叻架喇, 我試過仔仔流鼻血, 唔識止血, 驚到咸, 最後仲 call 埋白車添 , 但白車黎到咩血都停啦 , 最後白車哥哥問我要唔要去醫院, 我話唔去, 跟住教左我 d 止血方法就走, 呢件事上面我都認為自己處理得唔好, 自己驚之餘仲有 d 嚇親個仔, anyway, 我都係緊張先有咁嘅反應 , 做媽媽嘅個仔有事一定係緊張架喇, 經一事長一智, 我而家咪知道點幫佢止血囉,
其實'鏈'住鼻鼻之外, 仲可以用冰'膚'下個額頭, 會快d止血架 
|
||
|
|||
