夜晚翻屋企鐵閘大門開左,開到最大,但木門係鎖左,感覺好奇怪,因為知道屋企人今日返夜冇人係屋企,我地都習慣一定會鎖鐵閘。
首先我同屋企人習慣開鐵閘門入屋都係開一半,因為開曬會好吵好響。
另外,我有問返屋企人,佢好肯定自己有鎖門,因為拎垃圾去丟,佢好印象深刻係擺低垃圾係門口之後再鎖門呢個動作。
曾經裝修期間,裝修公司有將我屋企鎖匙擺係大門黑色密碼鎖入邊方便裝修工人入內,但有一次我朋友黎幫手清潔,我叫佢拎密碼鎖裡面條鎖匙,但佢同我講入邊冇鎖匙,發現條鎖匙係唔見左。因為呢件事都同樓下裝修承仔吵過,佢死口唔認係佢師傅手腳唔乾淨,話係我帶既冷氣師傅偷,但冷氣師傅係我阿叔d朋友黎。
另外,都聽講過公屋配d鎖匙都係差唔多,真係有機會可以百撞開到。但我屋企淨係換左木門鎖,冇關鐵閘。
我地屋企之後會換埋鐵閘鎖?。
亦都會同樓下管理處反應,多留意陌生人出入。
各位街坊都要小心,未換鎖要快d換。