請業主們同心合力投訴日間保安員

ricetung1007

請業主們同心合力投訴日間保安員

相信不少業主對日間保安員服務非常失望，亦有不愉快的經歷，為免日後有更加多不愉快，需要盡快解決問題
以下是本人撰寫的書面投訴信，請大家一人一信投訴並要求改善服務

info@savillsguardian.com.hk

致佳定物業管理公司：

本人為屯門翠鳴臺的業主，想就貴公司期下保安員服務作出書面投訴以及要求盡快改善保安員質素。

根據觀察，翠鳴臺現時日間保安員約有五至六名，其中一名為男保安員（高主任）。該六位日間保安員經常在住宅大堂圍著座頭高談闊論，嬉笑怒罵，面對業主各樣查詢均回答不清楚不知道，態度消極，令人難以接受，毫無意願幫助業主解決問題。

而且日間保安員態度差劣，當住客搬運重物，需要保安員幫忙開門時，多名保安員只顧着交談，對住客視而不見並沒有主動幫忙開門。保安員態度冷淡，經常黑面，當住戶出入時並沒有主動打招呼。即使住客們主動向保安員打招呼，亦沒有得到回應，令保安員與住客關係薄弱。大廈保安安全有賴於住客與保安員建立的關係，以現在保安員的質素，相信會為溝通及保安帶來阻礙。

另外，有部分住客反映，出入大廈時大部分人不用拍住戶證，日間保安員亦沒有為探訪者身份作出查詢，便開門任由其內進，保安員形同虛設，令到大廈保安成疑。

再者，翠鳴臺（近翠河）後門入口，亦經常發現清潔工人在通道中坐下吸煙，閑聊，休息。此通道作為住戶出入口，並不適合清潔工人作為休息空間，而保安員巡查時並沒有加以阻止，非常影響住客。

就以上四點，現提出書面投訴，要求貴物業管理公司改善保安服務，重新教導保安員，尤其是日間保安員在工作崗位上需盡心盡意履行職責。若服務持續沒有改善，強烈建議更換日間保安員。

相反管理處寫字樓范小姐以及晚間保安員態度良好，想藉此表揚該員工。希望貴公司能夠繼續提供專業優質管理服務，並就業主們提出的投訴盡快作出回應。

翠鳴臺業主X小姐/先生上

型英帥靚正

唉⋯⋯都係打份工啫，唉⋯⋯家陣搵食真係艱難⋯⋯

ricetung1007

唉⋯⋯都係打份工啫，唉⋯⋯家陣搵食真係艱難⋯⋯
型英帥靚正 發表於 2020-08-10 02:59:05 原文

搵食唔艱難呀，只係要求保安員做好份工嘅基本要求姐，又冇話要即時解雇佢地
睇嚟你未見識嗰位肥佬保安員幾乎半瞓覺，軟癱喺張凳上，斜眼答你［唔知道］
今時咁樣嘅服務態度真係唔得

rickyloh

有圖有真相！同管理處講左都無用！所有業主就投訴上總公司及房協，叫佢地換咗日班啲阿叔阿蟬先，再唔理就所有業主暫不交管理費！搵埋無記電視同記者報道吓真相.如果保安員任由陌生人出入，唔登記外人身份資料，可以向警察求助，投訴佢哋失職架！

wtk7213

出人工就要做好份工

Nihon

相信不少業主對日間保安員服務非常失望，亦有不愉快的經歷，為免日後有更加多不愉快，需要盡快解決問題
以...
ricetung1007 發表於 2020-08-10 01:22:20 原文

辛苦曬街坊 喺咁忙嘅情況下 仲幫大家謀求福理! 一陣返到公司即寄！

Nihon

有圖有真相！同管理處講左都無用！所有業主就投訴上總公司及房協，叫佢地換咗日班啲阿叔阿蟬先，再唔理就所...
rickyloh 發表於 2020-08-10 06:48:08 原文

問咗大堂班房協廢職員 回覆唔關佢哋事.佢哋只係發展商 ，所有嘢交了畀管理公司負責。。。

Nihon

唉⋯⋯都係打份工啫，唉⋯⋯家陣搵食真係艱難⋯⋯
型英帥靚正 發表於 2020-08-10 02:59:05 原文

我知道你唔係翠鳴臺業主 塘邊鶴請勿參與意見! 發表意見請去閣下自住屋苑。你並不是受害者 啞口食黃蓮 有苦自己知.
針唔拮到肉唔知痛. 請過主!

64136

唉⋯⋯都係打份工啫，唉⋯⋯家陣搵食真係艱難⋯⋯
型英帥靚正 發表於 2020-08-10 02:59:05 原文

點解樣樣野都要忍讓，將就下，人地都係打份工啫....
佢返得呢份工，佢有責任做好佢份內事，佢好糧出架，佢應該咁做架，佢無做好就係失職。我地做業主有責任去監管同叫佢地檢討。
唔可以咩都就咁算

happysnake6

回應 #1 ricetung1007

萬分感謝！啱啱出門，又有三、四個保安、清潔工人喺度吹水！題外話，仲有一個女清潔工經常性唔戴口罩周圍行同收垃圾、講電話！大家留意下！