收樓前的簡單維修工程 (小型翻新)

hellogary

收樓前的簡單維修工程 (小型翻新)

剛收信派到上水公屋，打算會要，但信上說要翻新後，我才可正式收鎖匙，攪裝修，有以下有關翻新問題想問:

1，信上有提，如果唔需要由房署翻新，自己攪的話，我可以快D收樓，房署有錢畀返，但一年內, 如果有什麼問題, 房署就唔包，但之後仍會負責。
但剛聯絡過屋邨主任，佢就話，如果攞咗錢，自己全部攪，以後永遠維修D嘢，就要自己負責。
所以現在好混亂，唔知邊個啱，定係邊度有蠱惑...因為最怕就係廚房和厠所漏水問題  

２，屋邨主任也提過，如果畀房署翻新，就要預２個月時間。
但真的要咁耐嗎？

所以，希望各位過來人能解答一下，謝

妃kei123456

等多2個月，廢事以後有咩要維修..不過自己諗吧

tylnnn1013

有人話過如果自己會裝修，拎筆津貼仲好。
但聽你位主任咁講，應該係驚你裝修時起埋防水層之類既野，所以之後唔負責？

Sitong

如果要裝修，緊係自己搞啦，最多?實D

nak

回應 #1 hellogary

如果真係兩個月交到比你，其實都算正常，講返個基制，如果個翻新單位有石屎剝落、漏水、電線全部換，就唔係承建商做完就得，某個部驟係要房署工程監督睇過，先可以做下一步。舉例個廁所地台要重新鋪地磚，都要阿sir睇過做防水做成點，當然個別阿sir可能睇相都收貨，我唔肯定。
又事實做工程同阿sir可唔可以咁同步，師傅做完阿sir即時睇，跟住做下一part呢。所以兩個月交到比你，肯定要。
個人認為除非你真係好心急要搬或者細路要暑假前跨區轉校、可以等下既，比房署搞左先。

naominaomi

從來無諗要拎房署$自己執, 因為公屋樓齡長或短, 危機都多, 佢地執左, 自己再搞另一件事.

陳家陸

如果你自己會重本大裝修，可考慮攞錢，幫補一下裝修費用，又悭返d時間快d取匙。
但如果派果條村係20年以上舊樓，都係比房署攪穩陣d，有乜野事有人跟

win6ho

你個主任咁既，房署有份野畀你簽，要錢嘅一年內唔整。之後會包返。
但係裝修既時候你要小心廚房同廁所牆身磚，佢哋做咗防漏。
如果你拆曬黎整過，咁就有可能以後唔包喇。你睇吓d牆身靚唔靚仔先，唔好既就比房署搞算

hellogary

謝謝各位意見

liTTle.m

我翻新都等左3個月。不過聽你咁講你可以揀拎錢應該樓齡係20年內，所以都唔會怕漏水既