上面師兄唔好咁激動,大家都係正常討論。
其實明白大家擔憂,尤其係有小朋友嘅家長可能會更加擔憂。萬一有患者發病失控,有機會對屋苑住户帶來滋擾,甚至極端情況下會傷害住户。成年人都可能話可以保護到自己,但小朋友就比較難。隔離小學嘅家長可能仲擔心過我哋住户。
所以如果有得揀,我估大部分住户都唔會想有精神綜合社區中心落户係翠嶺峰。
不過大家畀首期買樓花嗰陣,都應該已經有心理準備知道將來會有精神綜合社區中心落户。
既然係咁,大家就去試下包容同接受,讓有需要幫助嘅人可以得到治療和關愛。
香港真係有唔少人精神上遇到困難,需要幫助。有啲人可能因為育兒問題/家暴問題/工作問題/感情問題等而患上精神病,佢哋都需要有地方可以幫助佢哋克服問題。
如果日後發現精神綜合社區中心真係會為住户帶來好大滋擾,大家到時先再考慮提出反對。
呢一刻反對,其實只係令有需要嘅人少咗一嗰可以幫助到佢哋嘅地方。