其實樓主係咪最近先搬過黎住? 因為入伙至現在, 有關翠鳴的資訊, 其實你係Lift口告示板, 佳定時期已經做得好好, 一有咩屋苑資訊都會放上去比住戶睇。 另外, 有關選業主立案法團, 我差不多每個關鍵時刻, 都會我或由我太太去開會, 但其實每次開會都好少人參與, 目測大部份出席人士都係做緊法團果group人。
不過, 我有少少發表, 依家業主法團果group人, 興用signal同業主們溝通, 有興趣你可問主席拎電話加入, 而Whatsapp group就免問, 所以我無參加! 上一次選新管埋公司, 呢個法團group好搞鬼, 死都唔想佳定續到約, 即使佳定個tender價overall低過仲量, 拎選票果陣仲好似幫仲量拉票咁, 仲話我地法團心水係仲量, 我真係O晒嘴, 乜可以咁拉票法, 跟住開會時候, 有Q&A時候, 比人問有關tender的問題, 但完全變晒質, 好似變左聲討佳定會咁. 佳定present得好好, 仲好有point. 但仲量果條友, 十下十下咁, 直程唔駛點講野/答野, 咁就比佢地得咗!
我收到三月份張管理費單, 都覺得奇, 仲係收緊舊價, 唔係話減少左咩? 我唯有估仲量真係1/3先真正handover呢度, 收住舊價先, 當佢地仲未計好條新數啦, 如果下個月仲係舊數, 投佢一票果班業主真係中晒伏!
希望第時開呢D關鍵的會議, 多D業主會出席, 就算唔出席, 都搵人投個票都好, 佳定輸在太少人出席投票, 其實佢地係呢個屋苑做得幾好, 當然有D屋苑口碑係差, 其實都係base on係自己屋苑做野果批職員啫! 希望呢批仲量職員OK啦!