這間屋用白色做主題,感覺乾淨精神!整個單位右邊係入牆櫃,連櫃門跟牆身花紋一樣,唔講你都唔知係櫃,以為係牆紙!個櫃勁慳位,將所有雜物放入櫃內,飯枱又做摺疊式收埋,加上一塵不染,成個示範單位一樣。看看廁所及廚房都好企理。把陽台拆掉,令客廳面積大咗,窗戶換成大玻璃,除了增加自然光,望着樹景,感覺同住度假屋無分別,在窗邊望着風景思考,靈感都多好多!
陳小姐居於三十年樓齡的黃大仙東頭邨,外表殘舊,當年她透過租者置其屋計劃,用十六萬買入呢個單位,去年花了廿七萬元裝修及添置傢俬。她直言每晚返回家中,也不覺自己住在公屋。單單鐵閘已經是價值數千元的不銹鋼閘,望落同鄰居有很大分別。單位左邊則間成兩間房,陳小姐同爸爸各住一間,細佬瞓廳,被鋪朝行晚拆,放回入牆櫃,雖然間屋住了三個人,但不覺得擠迫。
大家不要以為公屋戶好窮,不捨得花錢裝修,其實附近有幾戶跟陳小姐一樣已買入單位的鄰居亦捨得花錢裝修。