終於終於終於都完成了,因為小妹自己資金有限,所以有好多野都係PAPA ,MAMA幫我搞掂,我可能最叻就係買左張梳化。好慶幸自己有個做裝修的PAPA,大致上話比佢知我想點整,佢就會幫我諗可以點整,這間屋可以話係PAPA既收山之作,因為年紀大喇,隻腳嚴重勞損,每次開工都要食定藥,因為要成日跪地下做野,所以只可以慢慢做,於是一做就4個月,唔知以為我屋企有2000尺,實質係200尺鬆D。為了盡量減少支出,有好多野都係執返黎再用,好似鞋櫃同茶几咁,成個拎返黎就好新淨,廁所同呀妹張床既層架,都係靚松木,用人地唔要既舊家俬,床板自己再界過,磨過,上油。我用既工作檯,係人地唔要既食飯檯個檯架,自己再鋪返木板再貼板皮,而地板,係PAPA的同行頂力贊助,就連我的連身鏡,也是二手的,計計埋埋用少好多錢。唔講咁多,自己睇圖啦~!!
