早前阿言在街坊求助下發現,由於海榮樓37至39樓並無07室單位,導致延伸到天台嘅07室糞渠排氣管對正37至39樓06室單位嘅廚房同睡房,除咗有機會有異味入屋,更加令人擔心疫症肆虐 期間傳播病毒。
雖然排氣管設計符合建築要求,但由於例如早前大埔富亨邨疫情爆發,好多時都係因為糞渠排氣管產生擾流效應,導致病毒透過空氣傳播到其他單位。
為咗避免疫情爆發嘅機會,阿言立即聯絡房署要求檢查排氣管設計,並要求將排氣管延伸到其他位置,避免對正06室單位。疫症當前,房署亦從善如流,馬上應阿言要求進行工程,將糞渠排氣管改位,目前工程經已完成。
第四波疫情 仍然嚴峻,阿言同民協團隊會一直盡力改善防疫漏洞,阿言亦會密切留意即將落成嘅海達邨二、三期會否出現同樣情況,各位街坊都要緊記做好個人防護措施。
(代發帖)