超長囉嗦報喜-匯智樓—兼分享指定地區申請

意yee

超長囉嗦報喜-匯智樓—兼分享指定地區申請

首先感謝楊管依個網站讓我們這些漫漫長路的公屋輪候者可以了解很多公屋的資訊，掌握第一手消息，對我真的很有幫助。

然後，我再分享下我自己都覺得神奇的經歷。舊年6月13日我係房署查仲係S0同網站最高審查只係去到G1307600，6月16晚夢見見主任，然後訓醒一查就去到G131000。再到10月10日見完主任冇幾日就夢見派匯智樓。到後來一派翠屏南邨問題單位，当时我地冇收到信，屋邨主任最後一日時打電話問我地本來是日簽約的，我地話冇收到信就約左第二日去睇，當晚我同我老公講希望派個問題單位我地不計一次機會，對面冇咁快派。我老公仲問我咩叫問題單位，我話例如凶宅,滋擾,環境差等等。去到第二日主任話16年曾經有人自殺過。然後我老公唸都唔唸就拒絕，仲話主任早講問題單位我地就唔過來啦，屋邨主任話唔好意思唔可以講，同埋都要申請人過來簽名，問我地有冇咩其他拒絕原因，不過我地果日湊住三個小朋友太磨人，就冇講冇書面寫拒絕原因，主任就幫我地以問題單位拒絕。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

意yee

再到二派華富二邨，我地係睇都冇去睇就同屋邨主任拒絕，但屋邨主任都很好 佢問我拒絕原因，我地話隔奶奶太遠了，我兩公婆都要返工，三個小朋友都好細，接送放學同萬一遇上生病需要我奶奶幫幫手，佢都66歲希望近D互相照應。然後主任叫我書面寫封信再傳真俾佢，佢send俾房署，我地就收到5月21封信，意思要「必須向本署提出書面要求及授權」房署才會考慮因素後轉介去社會福利署。         

咁我就6月5再用房署嘅表，書面寫信授權我老公簽名後傳真去房署，6月5房署出信正在處理中，6月17出信已轉介由社會福利署跟進，然後接到社工電話6月23去社會福利署做評估，6月24社工家訪，依個社工非常好，見完佢第二日就上來家訪，家訪當日又即刻叫我地寫書面信俾社署最後確認指定地區黃大仙，佢話即日幫我地處理好傳俾房署。7月9日社工打電話通知我老公話批左了。其實係房署7月2收到，7月8批，可能其中社工都要跟上司處理手續了。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

意yee

然後15日見到有東匯邨拆遷戶發出輪候冊嘅剩餘單位，我當時就覺得應該會派左匯智樓了，到晚上11點幾查到轉S4，但一直聽聞要拆遷戶自選先派街隊，又唔敢肯定，一直忐忑不安，夜晚訓覺就夢見派左匯智樓唔記得10樓定6樓，仲要夢見有兩三個谷友發帖報喜，更搞笑係夢裡我仲要入貼去睇到有埋派房信。然後第二日神奇般的驗證了我嘅美夢，雖然自己未收到信，但都十拿九穩啦。

再到尋日早上我女一直催我快11點40幾分突然間覺得係時候了，就衝左落去，啱啱好郵差派完信準備走，果一刻覺得這個男人嘅背影型靚帥

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

意yee

回應  意yee

有乜幼稚園介紹，我細囡要轉校
suensuen 發表於 2020-07-19 21:31:46 原文

決定要啦，就匯智樓後面有圓玄，亞皆老街有浸信會，接近大成街街市有明愛（新蒲江對面），嘉林道有靈糧堂和迦南，土瓜灣有聖三一、救世軍、保護兒童。  仲有樂富嘅幼稚園，依D都係附近。九龍城名校區，很多人特登過來租屋就為左學位。   等等等等十分多唔錯的選擇，私校都有

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

意yee

Z兄：社工只是一種職業，乜人都有！如果你覺得呢個社工hea做，就唔好指望佢，快啲在家附近搜尋。其實，任...
飛faiyu772 發表於 2020-07-20 05:22:38 原文

好似自己去搵嘅社工好難會得到佢地嘅認同，因為唔係「一般」嘅case佢地會幫，估計要去到家暴？離婚？傷殘？苦疾？佢地先會幫吧？          我一派拒絕後過幾日，我都有打電話問社署，但係接電話嘅話，其實我地先一派 又不計一次機會，叫我地再睇下第二次派先。然後我叫我老公去樂富房署問，職員就俾果張俾我老公，職員仲提佢要寄返房署 唔好寄去社署，但我又一直拖延左冇寫信。
      去到二派到港島，我老公又話去搵區議員，其實一直叫我老公搵區議員冇用，房署都講明叫你書面寫信授權俾佢地，但我老公執意要搵區議員，結果區議員寫嘅信真係9唔搭8，我睇到笑死，阻止唔俾我老公寄。因為一來我地唔係租嘅，係住奶奶嘅屋，二來又講輪候時間非常之長，又提當局曾答應平均三年上樓（責怪房署），三來匯智樓根本冇咁快派，講到咁急迫上樓，東頭邨同九龍城區域又咁大，唔知會派去邊。然後我6月5日就寫左信傳真去房署，房署就轉介社署。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡