小妹在東涌住了十幾年，家人在東涌上班。早前買了裕泰苑。我買樓當日，很多人都棄東涌，不外乎係位置差，不便利。事實上，好多應該冇實地睇過，或者冇住開唔認識，要講偏屯元天應該更甚。
想分享一下裕泰既交通資料，希望幫到大家。
先講一講裕泰苑一般的交通位置，如果想出地鐵站，基本上，有三個車站。距離分別為1分鐘、3分鐘、5分鐘。請看圖。
去地鐵站要幾耐？
松仁路：有11、3m、1等等既大嶼山巴士從梅窩、昂坪個邊出黎，松仁路係中間站，可以比3蚊左右搭車去到地鐵站，車程約5分鐘。
雍逸樓：上班上學時間，有大量額外班次既37、38巴士出入。大約5-10分鐘一班車（視乎時段），依到搭車，比係逸東總站搭既38、37快，因為直到地鐵站，係快線黎。車程5分鐘。
北大嶼山醫院：對裕泰苑係最主要既巴士站，有S64、37、37H、38、E21a(落車拍卡只需4數車錢），車費：3.1-3.5，車程約5-8分鐘。上班班次好密，但都好多人等車，未必有位上車，建議返工用雍逸樓位置上車，非繁忙時間，基本上搭車冇問題。
去荃灣要幾耐？
E31,在雍逸同醫院都有站上。出青衣：20-25分鐘。出荃灣：35分鐘左右（視乎咩站落啦）
去旺角要幾耐？
E21A,在醫院有車上。車程35分鐘左右到達美乎、荔枝角。45分鐘內到旺角。
想知更多可以pm我。如果時間夾到，可以帶你實地行個圈～
希望幫到大家
