是咁的:年初四晚天氣稍涼,我著左件外套就出去食飯。入左去大本營大食代嘅旺記冰室,覺得有點焗促就除左件外套,可能就係除外套時跌左條金貓手繩。食完飯再散陣步,返左屋企先發覺條手繩唔見左。但我大約知道應該係跌左係冰室,我小人之心,覺得執到都應該唔會俾我架喇。 條手繩雖然千零蚊,但係係我honey送的,好有紀念價值。我整晚都悶悶不樂,雖然honey話過再買過條,但我都係唔開心!因為我一直都覺應該搵唔返了。所以到左第日下午買餸先順便去問問有冇人執到,點知真係旺記職員執到放左係櫃檯,等我去認領。我當時好開心好感恩!一直說多謝!多謝!好想當面向果位路不拾遺員工道謝,但佢返夜班的仲未返工,唯有轉告佢上司代我多謝佢!其實果晚員工大都數都係年青人,我好自豪,我地香港嘅年青人都有路不拾遺精神,好感恩,旺記冰室食物及員工嘅質素都有水準,價錢合理,係我近年來經常去嘅飯堂。