針對昨日朋友遊海洋公園後的有感而發，我認為一切源於現今年輕人對工作缺乏興趣熱誠，不把工作當成一回事，不尊重更加不珍惜機會導致。越寫越傷心之際，突然記起早前《蘋果日報》訪問前香港足球先生山度士，一名現役足球員憤憤不平對他講的一番話，令他無名火起，從中看出越趨惡化的端倪。

話說有日山度士在球場操練，有一年輕人走前來打招呼，說很高興見到偶像，他自小就很喜歡踢波。山度士問他目前做的是甚麼工作，出其意表原來是個現役足球員。能夠寓興趣於工作做自己喜歡的事，實在太好了？話口未完連隨大發牢騷，抱怨足球員的收入得幾千蚊咁少，所以他只會踢幾千蚊嘅波來交差咁話。山度士說他無法理解遑論認同，他的波究竟值幾多錢？應該如何定價又由誰憑甚麼來定價錢？要是有人出幾萬元，他可有本事又如何能夠量度計算踢得出值幾萬元的波？
「佢出幾多錢，我咪交幾多錢嘅功課囉！」這年輕人口頭禪，我聽過無數咁多次，恕我直言夾得罪，都是出於自覺鬱鬱不得志的潦倒青年。因為有志者忙於為自己增值爭機會，沒有更加不會把寶貴光陰時間浪費在計算埋怨上。

有位朋友剛好留給我此言：「早幾日我個仔同我講，暑假成日要補課，好辛苦，成個暑假無咗！我就同佢講，先苦後甜定先甜後苦係由你自己決定，老竇想當年唔係進修就去做兼職，咩叫做放假我都唔知，成日俾人話我唔識享受人生，但係今日啲同輩仲喺度日日受老闆氣嘅時候，我就已經退休啦！仲有你一想出國就可以心想事成，唔係僥倖，當中係有我付出過努力、汗水同眼淚㗎！」
苦口婆心，究竟有幾多年輕人肯聽？
張慧敏