議員批評公屋政策無助市民向上流動 - 租者置其屋 - 資助出售房屋 - 香港公營房屋討論區 - 公屋居屋綠置居輪候調遷平面圖公務員裝修設計公營房屋第一手資料...

楊管

管理員 Rank: 12

心情動態：

來自非公營房屋

2024-11-08 12:59:54 繁简粗

留言#1 此帖子網址

議員批評公屋政策無助市民向上流動

建議推出租置2.0

立法會今日(7日)通過有關房屋階梯的議員議案…議員陳學鋒指房屋除了住…還有財富功能。而財富功能就可以把房屋作為階梯向上流動。政府多年來…把房屋階梯愈分愈細…由最初始的徙置區､公屋､居屋､首置盤､綠置居､過渡性房屋､簡約公屋､簡樸房､首置盤或其他房屋…他質疑這些零碎和分散的階梯…是不是真的可以幫助市民向上流動。

他提及政府的公屋目標…是通過低廉租金讓居民居住一段日子後能夠儲錢…繼而買居屋或換私樓…向上流動…可是一個一家4口的普通家庭住公屋20年後…一旦子女踏足社會謀生…入息隨時超標…從至跌入房署的富戶政策。若果剔走家人以符合租住資格…離開公屋的家人倘沒有足夠經濟能力置業…除了租屋就惟有輪候公屋…結果還是增加房屋需求。

他形容狀況是畸形的…政府應優化制度…建議推出租者置其屋計劃2.0…讓住戶先租後買…安心居住…日後子女長大亦有地方可住。

保險界陳健波建議銀行考慮延長按揭供款年期…減少供樓人士負擔。他指大部分銀行以「70減樓齡」計算可批出的按揭年期…本港不少樓齡達40至50年的大廈…保養情況理想…認為可考慮按樓宇質素…延長貸款年期多5至10年…相信可激活私樓市場。

另一議員鄧家彪認為取締劣質劏房應以兒童利益為先…建議要求業主需申報有小童的租客資料…以便當局能提供過渡性房屋和其他相應的社會服務資訊。

祝未上樓朋友早日上心水樓；祝已上樓朋友安居樂業！
如果大家有任何疑問或分享, 建議大家在適當分區建立帖子｡

分享分享讚好人數：0查看名單

公屋申請速報系統

SLLAM

超級用戶 Rank: 7 Rank: 7 Rank: 7

心情動態：

來自屏欣苑

2024-11-08 15:59:54 繁简粗

留言#2 此留言網址

呢位陳學鋒議員好大膽…居然講出房屋政策嘅問題…唔知佢會唔會成為眾矢之的。

不過佢有一點講得唔太準確就係…子女長大出來工作…主要唔係入息超標…而係資產超標。因為入息上限已經訂得算高。但資產上限就嚴重地低…連首期都未必夠畀…而且仲未計一舖清袋畀完首期後…點樣一邊供貴樓…一邊父母啱啱退休冇收入要養埋佢哋。

分享分享讚好人數：0查看名單

請按此瀏覽"重點帖子"！

神安飛瀑

極級用戶 Rank: 6 Rank: 6

心情動態：

來自非公營房屋

2024-11-08 19:47:28 繁简粗

留言#3 此留言網址

回應 #1 楊管

我自己覺得最適宜推租置2.0嘅就係華富邨重建計劃嘅華樂徑接收屋邨

得嗰一棟…得嗰400個單位…棟樓嘅業權再碎片化都唔係幾影響大局…基座幾層停車場一嚟可以方便「業主」…二嚟業權一直歸房委會可以賺更多租金收入

陳議員唔係唔識嘢嘛

我上次立法會選舉投佢嘅喎

瀑灣讀書十二年

分享分享讚好人數：0查看名單

公屋申請速報系統

矇查查888

特級用戶 Rank: 4

心情動態：

來自美東邨

2024-11-11 00:09:42 繁简粗

留言#4 此留言網址

比你地買左又如何？？萬一法團管理不善、維修又天價、咪又想要叫要政府接手解決、呢d問題已經出現啦、政府仲點會咁再放公屋出來賣？？要買咪起多d公屋索性一半做居屋、等你地買到夠咪得羅、又無手尾跟、衣代年青人真的有幾多個肯省錢儲錢、返緊工仲住父母、吃父母、用父母的都仲有大把係無錢、有幾多都係要父母幫比首期先要買到樓、多少都係連父母老本都羅來做首期、他們當然欣然接受啦

登記:2013年4月12日編號:U03347、因公屋除名排快3年等於2010年4月登記日期
申請離1 2016年9月轉離2 G13669-13679、扣餘時間1年半由2015年2月起排家庭隊計起
2019年4月見主任由離島轉擴展再轉市區、直到2023年5月未有再審查見主任直接收合格信、
因要照顧東頭村的姐姐、指定要黃大仙區、2023年8月1日第一派竹園南村秀園樓中層、拒絕、
2023年9月13日第二派美東村美仁樓高層XXX室、完美開心畢業

分享分享讚好人數：1查看名單

公屋申請速報系統