女途人欲救不及痛斥「做乜拍死佢」

【橙訊】長沙灣蘇屋邨綠柳樓對開一名男子今日中午懷疑用拖鞋拍死一隻倉鼠，女途人揭發報警。警員經調查後，拘捕一名50歲姓李男子涉嫌殘酷對待動物，案件交由深水埗警區刑事調查隊跟進。

據報案的女途人黃小姐表示，事發時她行經綠柳樓對開，發現一隻倉鼠好「生猛」活潑地跑來跑去，她見牠身上似有傷痕，欲帶牠回家，稍後向倉鼠關注組或向獸醫求助。正當黃預備到保安更亭借工具捕捉倉鼠之際，忽然聽到僅一至兩米身後傳來「啪」一聲，擰轉頭已見一名男子手持拖鞋，而本來活潑的倉鼠則伏在地面，動也不動，還有少許血漬。

黃當場直斥該拖鞋男：「你做乜拍死佢!」有人聲稱「老鼠嚟啫」，然後穿回拖鞋離開。黃一直尾隨他到金松樓，金松樓樓下有一個清潔工人專用的打卡位置，她看見拖鞋男似用指模打卡入內，懷疑他是清潔工人，於是報警求助。

黃坦言該拖鞋男虐待動物，「唔使半秒，一隻拖鞋拍死佢（倉鼠），我擰轉頭見到佢拎住拖鞋，仲未着返」。黃本身養貓，直言第一眼見到隻倉鼠好活躍，跑得好快，「佢有小小傷，我想搵倉鼠關注組或獸醫，搵地方安置佢，我只知我要救起佢」，可惜最後事與願違。警員經調查後帶走拖鞋男返署助查。