上星期排唔到免費剝牙, 尋晚再黎排過
現在每一晚整個屯門屯利街仁愛分科門診外十分熱鬧,逢星期三街症免費剝牙, 排前頭位街坊晚上10點開始喺度瞓街, 餵蚊, 忍屎忍尿又唔敢飲水, 附近冇廁所, 最近都要走上去栢麗廣場傷殘廁所, 而家晚上天氣酷熱成33度, 每個星期三因疫情關係每日只得21個名額.
今次我半夜2點50分出門, 3點26分來到門診都排第22個?, 今早我等到8:15派埋籌先走人, 諗著前面人可能有甩漏忘記帶身份證, 或冇打齊3針, 買個希望我可以補上做後備, 當然最後都係食白果。?
下次策略最好半夜2點前要來到排隊, 稍後兆康附近新落成既公屋同私樓, 應該會有更加多人爭崩頭, 希望可以叫醫管局高官落來排吓隊, 感受呀排隊滋味, 天氣炎熱, 餵蚊挨眼訓玩通宵, 要行好遠先有個殘廁, 加上好多老人家揸拐杖來排隊。
在香港睇牙醫十分昂貴, 剝隻牙最平都600蚊, 剝一隻智慧齒要成4500蚊起, 不是小市民能負擔得到, 希望醫管局可以增加名額。