香港公營房屋討論區
主頁 » 公共出租房屋 » 各類調遷 » 紓緩擠迫調遷 » 1變3,一般要排幾耐?
頁尾 帖尾 顯示所有留言 搜索某用戶之留言 回帖 在本分區發新帖 搜索本分區 搜索

1變3,一般要排幾耐?
各位好,本身我同媽媽排緊市區2人單位,因為未輪到,每月拎緊津貼試行計劃,
命運安排下,我有左BB亦準備結婚,男朋友本身居住新界1人單位,
想問問,
結婚是否一定要申報?我係未要取消輪侯?咁媽媽點算呢?
另外,如果我名+小朋友加入男朋友到(未來老公),變成擠迫戶,一般會輪候多久先安排到調遷呢?
謝謝各位回覆!!
分享 分享 讚好人數:0查看名單


本身同媽媽排了多久?如果已經快見家鄉,建議不要結婚住,同媽媽拿了樓先,不然結婚後得你媽媽1人排,非長者1人排多好多年,請多考慮考慮媽媽
分享 分享 讚好人數:1查看名單


回應 #2 donut2024

排左接近3年,但媽媽是否不能跟埋我加落男朋友到?
媽媽已過65歲亦是否可排長者1人單位,
如果可以跟埋我就好,我都唔想佢要自己一個人住
分享 分享 讚好人數:0查看名單


結婚一定要申報哦,
否則老公住豪宅,身家過億難道會讓你申請?!
1.一係唔結婚住,等到上樓後先再結婚,
之後退名,加名至你老公公屋,
再申請擠迫戶調遷。

2.一係就結婚加名至老公公屋,
媽媽轉排長者1人單位。

至於一齊住問題,其實無人舉報的話,
無人知道你媽媽住在那裡,
好多奶奶幫仔湊仔都會搬去住一排,
無話唔得。
所以可以申請長者1人單位,
之後媽媽再去你老公家暫住,
但長期空置單位會被房署收樓,
所以每月都要返去住一排。

但你話老公加你同BB都變擠迫戶,
應該都好難再加埋媽媽一齊住。

結論都係以上1或2方案,先上樓,有一間公屋先。
擠迫戶睇有幾迫,根據擠迫度排次序調遷。本留言最後由 zooeleddhh 於 2022-06-01 18:22:29 編輯
分享 分享 讚好人數:0查看名單


基本上加名落去你老公度係最好、當然如果你有四個人申請擠迫戶一定係頭幾日揀啦
分享 分享 讚好人數:0查看名單


回應 #3 winglamhk

你有想一齊住嘅心係好好,但媽媽意見係點?一齊住要預留間獨立房比媽媽,但萬一相見好同住難,媽媽就要焗受,比較理想係你同媽媽攞咗樓先去結婚退戶,然後用天倫樂住近啲阿媽,
分享 分享 讚好人數:0查看名單


其實各自一間應該好啲,因為相見好同住難,有咩事都可以返外家.
分享 分享 讚好人數:1查看名單

頁首 帖首 在本分區發新帖 曾訪分區
重要提示:為免用戶蒙受損失及為公平起見, 一律嚴禁透露商戶或裝修師傅資料, 違者會被警告, 嚴重者將被禁言甚至禁訪本討論區, 敬請合作。 (詳情) (用戶守則)
抱歉! 你無權回帖。
如果你已建立帳戶但未登入, 請按此登入
你未建立帳戶? 請按此建立帳戶。(完全免費)
建立帳戶後請按此重載本頁

請按此瀏覽"重點帖子"! X
分區表  登記 登錄 頁首 回帖 搜索 頁尾 在本分區發新帖